Mho ngai 27/02, tàm Hìu duh broă Ƀộ Quôk phòng tàm Hà Nội, Thượng tướng ồng Hoàng Xuân Chiến, Kwang bàng tàm Mpồl Đảng Dà lơgar, Thứ trưởng Ƀộ Quôk phòng, Kwang ătbồ Anih lơh broă Duh broă sùm Mpồl Đơng lam dà lơgar bơsong jơnau gơlời wơl bơh ƀồm mền mờ sơnơm khih hoá họk tơnơ̆ rài tam lơh tàm lơgar Việt Nam (Hòi lơyah là Mpồl đơng lam 701) neh lơh broă mờ Đại sứ lơgar Mỹ tàm Việt Nam ồng Marc E.Knapper bè broă lơh broă bal bơsong jơnau gơlời wơl bơh ƀồm mền tơnơ̆ rài tam lơh tàm lơgar Việt Nam.

Đơs nền jơnau kơ̆p kờñ bơh Việt Nam dê tàm bơta gĭt gơ̆p lơh broă bal bơsong jơnau gơlời wơl bơh ƀồm mền, siau phàu bơrtoh tơnơ̆ rài tam lơh mờ lơgar Mỹ, Thượng tướng ồng Hoàng Xuân Chiến pin dờn tàm tơngai tus, bơta gĭt gơ̆p lơh broă bal do rơ̆p pơn jăt tai geh lơh pràn kơldang mờ bơtàu tơnguh; mơkung kơ̆p kờñ lơgar Mỹ pơn jăt tai lời tai ală bơta ai lài, dong kờl jŏ jòng ai lơgar Việt Nam in, pơgồp bơnah dong Việt Nam bơsong mhar jơnau gơlời wơl bơh ƀồm mền, siau phàu bơrtoh tài bơh tam lơh dê lời wơl, tơn jơh ală ù tiah ƀơ̆ ƀơl khih jơlai, cèng wơl tai broă lơh broă sa ai làng bol in. Thượng tướng ồng Hoàng Xuân Chiến đơs sùm, Việt Nam rơ̆p pơn jăt tai ai tơl bơta ƀươn, pơgồp bal niam mờ ală cau lơh broă bal đah lơgar Mỹ dê nàng ală broă lơh lơh broă bal đah 2 gah lơh geh cồng nha mờ lơh geh jơnau kờñ neh ai tơlik.