Pơrjum bơh Ƀộ Lao động- Thương ƀiñ mờ Xã hội pơgồp bal mờ Ƀộ Y tế mờ bơta kuơ mpồl bơtiàn lơgar Nhờk, Đại sứ quán lơgar Nhờk bơyai lơh di tơngkah kir sơnrai 50 nam ngai lơh bơta git gơp cribơyai broă mờ lơgar ndai Việt Nam- Nhờk. Lơh broă bal lơh broă đah lơgar Việt Nam mờ lơgar Nhờk ngan ngồn sơn đờm bơh nam 1992, bơh broă dờp cau tàp lơh broă ngan ngồn lơgar Việt Nam tus pơlam tàp bơta chài lơh broă tàm lơgar Nhờk.

Tus ngai 01/7/2019, Ƀộ Lao động – Thương ƀiñ mờ Xã hội Việt Nam, Ƀộ Tư pháp, Ƀộ Ngoại giao, Ƀộ Y tế, Lao động mờ bơta kuơ mpồl bơtiàn mờ anih lơh broă kảñ sát dà lơgar Nhờk neh bal mờ gơp kĭ Sră cih kah lơh broă bal bè broă lơh cau lơh broă geh bơta chài geh ơm wơl tàm lơgar Nhờk nàng sơlơ tơnguh broă sền gàr lơh broă, lơh gơlik bơta ƀuơn ai broă sồr, dờp cau lơh broă jat bơnàng jă lơh jat jơnau cih bơh adat boh lam 2 lơgar dê.