VOV4.K’ho- Drim ngai 26/07, tàm hìu lơh broă Cín phủ, Phó Thủ tướng Cíñ phủ ồng Vũ Đức Đam neh wă mò Caitlin Weisen, Kwang ala mat lơh broă Broă lơh bơtàu tơnguh bơh Liên hợp quôk dê (UNDP) tàm Việt Nam, tus còp tơngăc di tơn jơh tơngai lơh broă.

Phó Thủ tướng ồng Vũ Đức Đam đơs ngan, Cíñ phủ Việt Nam jờng rơ uă ngan gơnoar broă bơh Broă lơh bơtàu tơnguh bơh Liên hợp quôk (UNDP) dê tàm broă dong kờl bơtàu tơnguh tàm làm dunia mờ chờ hờp ngan bơh ală broă lơh lơh broă bal niam bơnĕ đah Việt Nam mờ UNDP dê bơh ală nam do. Phó Thủ tướng kơ̆p kờñ UNDP pơn jat tai pơgồp bal mờ WHO mờ lơgar lơh broă bal dunia ndai sơlơ tơnguh broă dong kờl phan bơna, gah lơh sơnơm rcang lài, dong Việt Nam tơnguh bơta pràn rcang lài sơndră wơl mờ ală bơta kòp tàm rài tơnơ̆; dong Việt Nam kờp sền mờ lơh mhar lơh jat ală jơnau kờñ bơtàu tơnguh kơ̆ kơljap.

Cau mblàng K’Hạnh