VOV4.K’ho- Ală dơ̆ pơrjum bơh Ủy ƀan Đơng pơlam Tàm tơrbŏ bal Asean (ACCC) mờ Cribơyai Tàm tơrbŏ bal Asean dơ̆ 13 geh lơh tàm Phnom Penh, lơgar Campuchia bơh ngai 01 tus ngai 04/10 pa do. Đại sứ Việt Nam ồng Nguyễn Hải Bằng, Kwang ătbồ Mpồl Kwang bàng ala măt lơgar Việt Nam tàm Asean lam bồ mpồl kwang bàng Việt Nam tus bal ală dơ̆ pơrjum.

Cribơyai Tàm tơrbŏ bal Asean dơ̆ 13 tàm Phnom Penh, Campuchia

Tàm dơ̆ pơrjum Ủy ƀan Đơng pơlam Tàm tơrbŏ bal Asean dơ̆ 3 nam 2022, ală lơgar đơs niam ngan bơta bơtàu tơnguh uă ngan tàm broă lam lơh jăt Broă rơndăp lơh jơh ală bơta Tàm tơrbŏ bal Asean nam 2025. Ală lơgar tam klăc lơh broă bal đơs nền pơn jăt tai dong kờl Asean lơh ală rơndăp broă lơh tàm tơngume broă rơndăp lơh, nàng kờñ sơlơ tàm tơrbŏ bal bơ̆t bơtàu mpồl bơtiàn Asean, mờ tàm tơrbŏ bal đah Asean mờ ală lơgar tam klăc lơh broă bal, dong kờl bơtàu tơnguh wơl mờ bơtàu tơnguh lơh sa tiah do dê.

Cribơyai Tàm tơrbŏ bal Asean dơ̆ 13 nam do geh tơngume: “Sơlơ Tàm tơrbŏ bal wèt tus Bơta sền sơnơng mpồl bơtiàn Asean tơnơ̆ nam 2025 kơ̆ kơl jăp, tơl làm mờ geh pràn bơtàu tơnguh”. Tàm 3 dơ̆ cribơyai, ală kwang bàng yal bè jơnau yal tơngĭt, bơta git wă mờ mờng chài ờs mờng gah broă lơh bè bơta sền sơnơng tàm tơrbŏ bal Asean tơnơ̆ nam 2025; bơ̆t bơtàu phan bơna mờ lơh mờ sồ kơ̆ kơl jăp nàng sơlơ tàm tơrbŏ tai”.

Cau cih VOV Tây Nguyên- Cau mblàng Lơ Mu K’Yến