VOV4.K’ho- Lồi ƀùi mho ngai 17/01, Tổng Thư kĭ Quôk hội ồng Bùi Văn Cường đơng lam dơ̆ pơrjum ƀăo yal 04 Kơrnoăt geh Quôk hội ring bal tàm dơ̆ pơrjum nisơna dơ̆ dùl, Quôk hội khoă XV.

Hơ̆ là Kơrnoăt sồ 43 bè broă lơh tơngai kes priă, priă jền dong kờl Broă lơh bơtàu tơnguh wơl mờ bơtàu tơnguh lơh sa- mpồl bơtiàn ai tơlik ală broă dong kờl nàng tơnguh uă bơta pràn jak rơcăng sơndră kòp Kovid-19, bơtàu tơnguh wơl mờ bơtàu tơnguh lơh sa- mpồl bơtiàn; Kơrnoăt sồ 44 bè gùng dà bơcri priă lơh Rơndăp broă lơh bơ̆t bơtàu broă lơh gùng ù gờl ntoăt răt đah tô- đah jum tiah đah măt tơngai lik tơngai bơh nam 2021- 2025; Kơrnoăt sồ 45 bè lơh tơrlòng lài bàr pe gùng dà broă lơh, kơrnoăt krơi is bơtàu tơnguh ƀòn dờng Cần Thơ mờ Kơrnoăt sồ 46 bè dơ̆ pơrjum nisơna dơ̆ dùl, Quôk hội khoă XV geh ai ngui sồr sơrbac mhar, rơcăng lài sồr lơh kràñ cê jơh nùs lam lơh jăt geh cồng nha Broă lơh rơcăng sơndră kòp Kovid-19 tơngai bơh nam 2022- 2023.

Cau mblàng Lơ Mu K’Yến