Tổng Ƀí thư, Củ tịc lơgar ồng Tô Lâm đơng lam dơ̆ bơyai lơh yal do. Tus bal geh ală Kwang bàng Ƀộ Cíñ trị, Duh broă sùm Ƀan Ƀí thư ồng Lương Cường; Ƀí thư Đảng Dà lơgar, Kwang ătbồ Mpồl Rơndăp broă Dà lơgar ồng Lê Minh Hưng; Ƀí thư Đảng Dà lơgar, Kwang ătbồ Mpồl Nội cíñ Dà lơgar ồng Phan Đình Trạc bal mờ ală ồng: Lê Hoài Trung, Ƀí thư Đảng Dà lơgar, Kwang ătbồ Mpồl Lơh broă mờ lơgar ndai Dà lơgar; ồng Nguyễn Duy Ngọc, Ƀí thư Đảng Dà lơgar, Kwang ătbồ Cơldŭ lơh broă Dà lơgar mờ kwang đơng lam bồ ală mpồl, ƀộ, gah broă Dà lơgar.

Tàm dơ̆ bơyai lơh yal, Tổng Ƀí thư, Củ tịc lơgar ồng Tô Lâm neh jàu Jơnau lơh nền ntrờn, jàu broă ai ồng Trần Lưu Quang, Kwang bàng Đảng Dà lơgar, Phó Thủ tướng Cíñ phủ in ăt gơnoar broă Kwang ătbồ Mpồl Lơh sa Dà lơgar; ntrờn jàu broă, pồ ồng Mai Văn Chính, Kwang bàng Đảng Dà lơgar, Phó Kwang ătbồ Mpồl Duh broă sùm Mpồl Rơndăp broă Dà lơgar ăt gơnoar broă Kwang ătbồ Mpồl Hòi jà làng bol Dà lơgar.