Jat ală kơrnoat geh Kwang atbồ dờng Anih jơnau đơs Việt Nam Đỗ Tiến Sỹ kĭ ai lơh jat, ntrờn, pồ ồng Lê Hải Sơn- Phó Kwang atbồ Anih jơnau đơs Việt Nam tàm tiah tàm gùl lơgar at gơnoar broă Kwang atbồ Anih jơnau đơs Việt Nam tàm tiah Tây Nguyên;  pồ ồng Hà Mạnh Thắng, Chuyên viên chính Mpồl lơh broă bal Dunia at gơnoar broă Phó Kwang atbồ Anih jơnau đơs Việt Nam tàm tiah Tây Nguyên.

Tơnơ̆ tŭ jàu Kơrnoăt , Phó Kwang atbồ dờng Anih jơnau đơs Việt Nam Trần Minh Hùng sồr, ală ồng Lê Hải Sơn mờ Hà Mạnh Thắng pơn jat tai pơnđơl pràn lơh ngan tàm gơnoar broă pa, lơh jat niam ală bơta mờng chài lơh broă neh lơh geh nàng lơh sir jak ngan kơnòl broă geh kwang đơng lam bồ Anih jơnau đơs Việt Nam dê jàu; Bơt bơtàu Anih jơnau đơs Việt Nam tàm tiah Tây Nguyên tam klăc, kơ̆ kơl jăp, pràn kơl dang mờ tơl làm.