Jăt mờ hơ̆ Adat geh yal, là: Adat tam gơl, bơtơl bàr pe bơta bơh Adat Tần sồ vô tuyến điện; Adat lơh jăt làng bol lơh tờm tàm kâp hơđơm; Adat Nhơm zờu; Adat rơcăng sơndră tam lah tam pờng tàm hìu bơnhă; Adat Lùp sền mờ Adat rơcăng sơndră lơh priă geh bơh broă lơh tìs gơ gơs priă dipal. Tàm dơ̆ pơrjum ƀăo, hơ jơnau lùp bơh cau lơh ƀăo dê bè broă Adat Lùp sền pa geh bơsong geh broă lơyài ai lơh jăt jơnau đơs pơndŭt lùp sền halà ờ? Dilah kung gam lơyài sơl den cau lơi rơ̆p kong kơnòl taih? Ồng Trần Ngọc Liêm, Phó Kwang ătbồ dờng Gah lùp sền Cíñ phủ dê đơs nền, tŭ adat do geh ai ngui, geh lơh jăt den ngan ngồn rơ̆p tơrmù geh uă ngan broă lơyài ai lơh jăt jơnau đơs pơndŭt lùp sền mờ wèt tus rơ̆p ờ gam lơyài tai.