VOV4.K’ho- Rlau 30 mpồl dunia mờ 100 mpồl lơh sa kă bro dờng lơgar ndai dê geh tus bal pơrjum yal rơndăp ù tiah mờ hòi jà bơcri priă tiah ring dà dờng Cửu Long, geh lơh tàm ngai hìng 21/06 tàm ƀòn dờng Cần Thơ.

Jơnau yal pa geh Ƀộ Kế hoạc mờ Đầu tư dê yal mờ cau lơh ƀăo in. Pơrjum yal rơndăp ù tiah mờ hòi jà bơcri priă tiah ring dà dờng Cửu Long tơngai bơh nam 2021- 2030 digơlan geh gùng dà lam lơh jăt Broă lơh lơh broă lơh jăt Kơrnoăt sồ 13 bơh Ƀộ Cíñ trị dê bè gùng dà bơtàu tơnguh lơh sa- mpồl bơtiàn, sền gàr dà lơgar mờ bơta lơngăp lơngai tiah ring dà dờng Cửu Long tus nam 2030, gùng dà tus nam 2045; ring bal lam lơh jăt Broă rơndăp lơh lơh jăt Rơndăp ù tiah Tiah ring dà dờng Cửu Long tơngai bơh nam 2021- 2030, gùng dà tus nam 2050. Thứ trưởng Ƀộ Kế hoạc mờ Đầu tư ồng Trần Quốc Phương pà gĭt: Pơrjum geh bơta kwơ dờng màng ngan tàm broă ring bal bơta gĭt wă tàm jơh ală kâp, ală gah bè gơnoar broă, bơngă mờ bơta kwơmàng bơh tiah do dê mờ lơh bal tiah do dê. Lơh bal tiah do dê pal gơ gơs là bơta kơlôi sơnơng tờm tề lam bơta bơtàu tơnguh jơh gùt tiah do mờ tơl tiah tàm tiah do dê.

Cau mblàng Lơ Mu K’Yến