Ală càr, ƀòn dờng tus bal dơ̆ yal tơnggit jòi broă lơh pờ tơlik tơn tàm internet geh: Ninh Bình, Bắc Giang, Bắc Ninh, Hải Phòng, Thái Nguyên, Phú Thọ, Bắc Kạn, Lạng Sơn. Tàm dơ̆ yal tơnggit jòi broă lơh do geh rlau 160 mpồl lơh sa kă bro tus bal rơ wah mờr 28 rbô nă cau lơh broă. Tàm hơ̆, mpồl lơh sa kă bro gơ wèt gah lơh gơlik phan geh khà uă ngan rlau jơh mờ rlau 50%, gam wơl gơ wèt gah broă ndai: kă bro, broă drơng ala, pơndiang phan, bơto bơsram, lòt nhơl. Jơnau kờñ rơ wah cau lơh broă jơh bơsram kao đẳng, đại họk rlau hơ đang geh mờr 27%. Jơnau kờñ rơ wah cau lơh broă jơh bơsram trung kâp, kông ñân kỹ thuật geh 42%. Jơnau kờñ rơ wah cau lơh broă bè ờs rlau 31%. Tŭ niam jòi broă lơh tàm dơ̆ yal tơnggit jòi broă lơh tơrgùm uă ngan rlau jơh tàm mpồl cau bơh 18 tus 25 sơnam.