VOV4.K'Ho - Drim ngai 04/01, tàm Hà Nội, Kiểm toán dà lơgar bơyai lơh Pơrjum lam lơh kơnòl broă mờ broă lơh đảng nam 2024. Kwang geh jơng tàm Ƀan Cấp hàñ Đảng dà lơgar, Phó Củ tịc Quôk hội Nguyễn Đức Hải neh tus bal mờ đơs đơng lam.

VOV4.K’Ho- Drim òr (04/01), tàm Hìu lơh broă Đảng Dà lơgar, đơng lam pơrjum tam jào broă lơh mờ ală mpồl Đảng, 4 cơl dŭ lơh broă, ală đảng ủy, anih lơh broă tàm Dà lơgar, mò Trương Thị Mai, Kwang geh jơng tàm Ƀộ Cíñ trị, Duh broă sùm Ƀan Ƀí thư, Kwang atbồ Mpồl rơndăp broă Đảng Dà lơgar sồr: Lơh ngan lơh gơs niam ală jơnau kờñ, kơnòl broă nam 2024 tàm bơh ngai bồ nhai, bồ quý, bồ nam, pơgồp bal kwơ màng tàm broă lơh gơs ală jơnau kờñ, kơnòl broă Pơrjum dờng dơ̆ 13 Đảng neh ai.

VOV4.K'Ho - Mho ngai 03/01, Thủ tướng Cíñ phủ Phạm Minh Chính tus bal pơrjum tơn jơh broă lơh nam 2023, lam lơh broă rơndap lơh nam 2024 gah lơh sa suơn sre mờ bơtàu tơnguh ƀòn lơgar.

VOV4.K’Ho- Pơn jat tai ală broă lơh tàm dơ̆ lòt lơh broă tàm ală càr tiah đah Jum mat tơngai lik Dà lơgar, mho ngai 03/01, Củ tịc Quôk hội Vương Đình Huệ mờ mpồl lơh broă neh tìp mat ală mpồl lơh broă geh gơnoar lơh broă tàm mpồng tiah nhàr lơgar Dunia Mộc Bài; tus bal broă lơh tam klăc ling klàng làng bol gờm chờ tơngkah kir sơnrai 65 nam Ngai bơhiàn Mpồl ling sền gàr tiah nhàr lơgar (3/3/1959 -3/3/2024); pà phan ai 100 hìu bơnhă rƀah, hìu bơnhă kal ke tàm tiah nhàr lơgar kơnhoàl Bến Cầu, càr Tây Ninh in.

VOV4.K’Ho- Drim ngai 03/01, Kwang àng càr Gia Lai bơyai lơh pơrjum tơn jơh broă lơh nam 2023, lam lơh broă lơh nam 2024. Kơnòl broă kwơ màng ai geh tơn tàm tơngai bồ nam 2024 là gàr niam lơngăp lơngai rơndăp tăp sèng dơ̆ sa tềp Dà lơgar Giáp Thìn mờr tus.

VOV4.K’Ho- Drim ngai 03/01, Thủ tướng Cíñ phủ Phạm Minh Chính tus bal Pơrjum tơn jơh nam 2023 gah Niam chài, Tàp pràn să jan mờ Lòt nhơl. Pơrjum geh pờ tơlik tơn tàm internet tus mờ 63 càr, ƀòn dờng tàm jơh gùt lơgar.

VOV4.K’Ho- “Nam 2023, jơh gùt lơgar geh 125 dơ̆ khih phan sa, lơh rlau 2 rơbô 100 nă cau khih phan sa mờ 28 nă cau chơ̆t, pal sền gròi ngan là neh geh khih phan sa bơh clostridium botulinum”. Do là jơnau yal bơh dơ̆ pơrjum Mpồl đơng lam ală gah Dà lơgar bè sàng goh phan ngui sa bơh Phó Thủ tướng Trần Hồng Hà đơng lam geh bơyai lơh tàm drim ngai 03/01, tàm Hìu lơh broă Cíñ phủ dê.

VOV4.K’Ho- Pơn jăt tai dơ̆ tus lơh broă tàm ală càr Đah jum măt tơngai lik Dà lơgar di tàm bồ nam pa 2024, drim òr (03/01), Củ tịc Quốk hội Vương Đình Huệ mờ mpồl kwang bàng lơh broă neh lơh broă mờ Mpồl duh broă sùm Tỉñ ủy càr Tây Ninh.

VOV4.K'Ho - Mho òr (02/01), Củ tịc Quôk hội Vương Đình Huệ neh lơh broă mờ kwang đơng lam bồ Tỉñ ủy càr bà Rịa – Vũng Tàu.

VOV4.K’Ho- Mho òr (02/01), tàm Hà Nội, Ủy ƀan Jơi bơtiàn bơyai lơh Pơrjum pờ tơlik tàm internet gùt lơgar tơn jơh broă lơh jơi bơtiàn nam 2023, lơh jăt kơnòl broă nam 2024.