VOV4.K’ho- Drim òr (24/12), tàm ƀòn dờng Điện Biên, Thủ tướng Cíñ phủ Phạm Minh Chính tus pơrjum ai ngui 4 rơndăp broă: Rơndăp broă bơcri priă lơh ơnàng Ƀlàng rơndeh par Điện Biên, Rơndăp broă lơh gùng rơndeh ntoăt jờl Tuyên Quang – Phú Thọ tơrbŏ mờ gùng rơndeh ntoăt jờl Nội Bài – Lào Cai, Rơndăp broă lơh gùng rơndeh ntoăt jờl Mỹ Thuận – Cần Thơ, Rơndăp broă lơh rơbàng Mỹ Thuận 2.

VOV4.K’Ho- Ală ngai do, làng bol jăt yàng bàp tàm càr Dăk Lăk gam chờ hờp wă rò Noel mờ chờ gờm nam pa 2024. Ală hìu yàng ndrờm geh bơka àng gơcrà niam bơnĕ ngan; ală gùng dềt mờ ală hìu ơm kung geh bơka mờ ală gùng che ồs đèng niam bơnĕ ngan. Rài kis lơngăp lơngai mờ lơh sa bơtàu tơnguh den tàng làng bol jăt yàng bàp geh tơl bơta nàng wă rò Noel mờ chờ gờm nam pa geh tơl mờ chờ hờp rơlao.

VOV4.K’Ho- Mho ngai 22/12, tàm Hìu duh broă Cíñ phủ dê, Thủ tướng Cíñ phủ Phạm Minh Chính neh wă rò ồng Gautam Adani, Củ tịc Tập đoàn Adani là Tập đoàn lơh sa dờng ngan rlau jơh lơgar Ấn Độ dê, mờ priă lơh sa tàm drà kă bro rlau 200 tơmàn dolar Mỹ, gam lùp nàng bơcri priă tàm lơgar Việt Nam tàm 10 nam tus.

VOV4.K’Ho- Mho ngai 22/12, tàm Hìu lơh broă Cíñ phủ, Phó Thủ tướng Trần Hồng Hà đơng lam pơrjum bơh Mpồl duh broă sền nền wơl Rơndăp ù tiah tiah Ring dà dờng Hồng tơngai bơh nam 2021-2030, bơta rơndăp lơh tus nam 2050.

VOV4.K’Ho- Thị xã Buôn Hồ, càr Dăk Lăk, dùl tiah drà pa geh uă bơta kơ̆p kờñ neh geh ală broă lơh bơtàu tơnguh pràn kơl dang. Jơnau kờñ mờ broă lơh gơ gơs tiah drà khà III neh geh kwang đơng lam bồ thị xã dê yal tàm dơ̆ tìp mat di dơ̆ tơngkah kir sơnrai 15 nam tơlik mat bơh Đảng ƀộ, gơnoar atbồ mờ làng bol ală jơi bơtiàn thị xã dê bơyai lơh drim ngai 22/12.

VOV4.K’Ho- Mho ngai 22/12, tàm Kwang àng càr Dăk Nông, Ƀộ Kwang àng bơyai lơh Dơ̆ yal Kơrnoăt bơh Ƀộ trưởng Ƀộ Kwang àng dê bè broă lơh kwang bàng.

VOV4.K'Ho - Tàm nùs nhơm chờ hờp chờ hờn mờr tus Ngai Kơnràñ lik lìng nam 2023 mờ wă rò nam pa 2024, pa ngai, Củ tịc lơgar Võ Văn Thưởng neh lòt còp, nting bơr gờm chờ Tổng Giáo phận Huế. Củ tịc lơgar kơp kờñ, mờ gơnoar broă là Tổng Giám mục Tổng Giáo phận Huế, Tổng Giám mụk Bàp yàng Giuse Nguyễn Chí Linh pơn jat tai tề lam, pơn jờng làng bol jat yàng Bàp pơn jat tai gàr niam nùs nhơm ki ngàm Yàng, kờñ gơboh dà lơgar.

VOV4.K’Ho- Drim òr (22/12), Tủ tướng Cíñ phủ Phạm Minh Chính đơng lam Pơrjum gùt lơgar bè Bơtàu tơnguh ală gah lơh sa mờ măi mok Niam chài Việt Nam. Do là Pơrjum sơnrờp ngan mờ geh kwơ màng ngan bè bơtàu tơnguh ală gah lơh sa mờ măi mok niam chài Việt Nam.

VOV4.K’Ho- Drim òr (22/12), Hìu bơsram Họk viện Lơngăp lơngai làng bol bơyai lơh Tơn jơh 30 nam bơto tơnơ̆ đại họk mờ dờp Huân cương Sền gàr Dà lơgar khà Pe. Đại tướng Tô Lâm, Kwang geh jơng tàm Ƀộ Cíñ trị, Ƀộ trưởng Ƀộ Kwang àng tus mờ geh jơnau đơs.

VOV4.K’Ho- Drim òr (22/12), Mpồl kwang bàng lơh broă bơh Duh broă sùm Tỉñ ủy, UɃÑZ càr Dăk Lăk neh tus còp, chờ gờm ală hìu yàng tàm càr di kàl Noel nam 2023.