VOV4.K'Ho - Jơnau yal bơh Cơldŭ Kảñ sát gùng lòt Kwang àng càr Dăk Lăk dê, bơh bồ nam 2023 tus tŭ do, tàm càr Dăk Lăk neh geh 8 rbô 650 nă cau đì rơndeh lơh tìs bè khà angkol.

VOV4.K’Ho- Càr Gia Lai bulah geh uă bơta pràn bơtàu tơnguh uă gah, mơya ờ huan wơl lơh gơkờñ gơ wèt mờ mpồl lơh sa kă bro tài tiah bơcri priă ờ hềt geh lơh niam wơl.

VOV4.K’Ho- Ƀí thư Thàñ ủy ƀòn dờng Hà Nội ồng Đinh Tiến Dũng đơng lam wă rò mờ lơh broă mờ Mpồl kwang bàng kấp dờng càr lơgar Vientiane bơh Kwang atbồ ồng Athsaphangthong Siphandone lam bồ.

VOV4.K’Ho- Tiah nhàr lơgar là mpồng mut tàm tiah nhàr lơgar bơh Dà lơgar dê, tiah ală kwang bàng, cau ling mpồl ling sền gàr tiah nhàr lơgar ngai mang ơm gak sền gàr bơta ring lơngai, sền gàr tơl làm gơnoar tờm kơnhoàl ù tiah Dà lơgar dê. Bulah pal kong mờ gĭt nđờ bơta bòl glar kal ke bè lòng bơta pràn jai kong jai bơh kòn bơnus dê, mơya cau ling geh grăt tơlir kung gam jơh nùs chờ hờp, pin dờn tàm gùng lòt he dê neh sac rơwah. Cau ling tàm Pôs đồng ling sền gàr tiah nhàr lơgar Ia Mơ, kơnhoàl Chư Prông, càr Gia Lai kung bè hơ̆ sơl, kung ià kơ̆ ngkơr phàu, sơr lèt gan ală bơta kal ke nàng lơh sir kơnòl broă.

VOV4.K’Ho- Tơnơ̆ 10 nam lơh jăt Nghị quyết Dà lơgar 5 khoă XI bè bàr pe broă dong kờl mpồl bơtiàn tơngai bơh nam 2012 tus 2020, lơgar Việt Nam neh lơh geh uă cồng nha kwơ màng. Ală jơnau jàu ndrờm neh lơh geh mờ sơrlèt mờ jơnau kờñ tàm Nghị quyết neh ai, mờ uă bơta niam tàm gah broă cau geh màng mờ dà lơgar, tơmù rơƀah mờ rài kis lơh sa mpồl bơtiàn. Mơya, tàm broă lơh jăt Nghị quyết, geh ờ uă broă lơh neh ai gŏ ală bơta ờ pràn pal geh tam gơl wơl. Do là dùl tơngu me geh Dà lơgar cri bơyai mờ pơgồp bal jơnau đơs tàm Pơrjum dơ̆ 8 bơh Mpồl đơng lam Đảng Dà lơgar khoă 13 dê “Tơn jơh 10 nam lơh jăt Nghị quyết Dà lơgar 5 khoă XI bè bàr pe broă dong kờl mpồl bơtiàn tơngai bơh nam 2012 tus 2020".

VOV4.K'Ho - Mho ngai 04/10, Thủ tướng Cíñ phủ ồng Phạm Minh Chính wă mpồl kwang bàng càr lơgar Vientiane, lơgar Lào gam geh dơ̆ lòt còp mờ lơh broă tàm lơgar Việt Nam.

VOV4.K’Ho- Ủy ƀan Ñân zân càr Kon Tum pa geh jơnau sồr ală sở, gah lơh broă geh gơnoar mờ ƀòn lơgar sơlơ tơnguh tai broă lơh ătbồ, jòi nàng kờñ gàr mờ ngui geh cồng nha ală broă lơh pà dà sàng goh tàm tiah ƀòn lơgar in.-

VOV4.K'Ho - Drà kă bro ù tiah hìu đam ờ duh hồl bơh nggùl nam 2022 jŏ jòng tus tŭ do neh lơh gơ rềng uă ngan tus lùp dồs priă dia bơh ù tiah bơh càr Dăk Nông dê.

VOV4.K’Ho- Drim ngai 04/10, tàm Hà Nội, Đảng ủy Gah ală anih lơh broă Dà lơgar bơyai lơh Pơrjum yal tơngĭt jơnau mìng dùl tơngume qúy 3 nam 2023.

VOV4.K’Ho- Thủ tướng Cíñ phủ ồng Phạm Minh Chính pa kĭ Kơrnoat tơlik mat Mpồl đơng lam bơt bơtàu, lơh Rơndăp broă lơh sồr bơcri priă lơh gùng rơndeh ồs lòt mhar đah Tô- đah Jum mờ ală rơndăp broă lơh gùng rơndeh ồs kwơ màng dà lơgar dê.