VOV4.K’Ho- Mho ngai 13/10, tàm Hìu lơh broă Củ tịc, Củ tịc lơgar ồng Võ Văn Thưởng wă Đại sứ lơgar Nigeria ồng Hassan Adamu Mamani tus tơngăc, tơn jơh tơngai lơh broă tàm lơgar Việt Nam.

VOV4.K’Ho- Mho ngai 13/10, Mpồl Jat sền bơh Ƀan Kiñ tế Dà lơgar bơh ồng Nguyễn Hồng Sơn, Phó Kwang atbồ Ƀan Kiñ tế Dà lơgar lơh kwang atbồ mpồl geh dơ̆ lơh broă mờ Lơh broă sùm Tỉñ ủy càr Dăk Lăk.

VOV4.K’Ho- Tŭ do, tàm càr Gia Lai gam geh git nđờ rơhiang rơndăp broă lơh ròng phan di mơ mờ dờng. Mùl màl pà gŏ, ală rơndăp broă lơh ờ hềt geh di pal mờ kơrnoăt geh ai bè tiah kis, lơh rài kis làng bol gùt dar gơtìp ờ niam uă ngan. Bơta mùl màl do gơlik geh tàm tơngai jŏ mơya ờ hềt geh mpồl lơh broă geh gơnoar bơsong jơh.

VOV4.K’Ho- Pơn jăt tai broă pơrjum dơ̆ 27, drim òr (13/10), Ủy ƀan Thường vụ Quốk hội iăt jơnau yal bơh Cíñ phủ dê bè cồng nha lơh jăt , kal ke gơkòl tàm broă lơh 3 broă lơh jơnau kờñ dà lơgar tàm tơngai bơh nam 2021 tus 2023 mờ ai geh broă lơh, kơrnoăt krơi is nàng bơsong kal ke, gơkòl, lơh mhar broă lơh jăt ală broă lơh tàm tơngai tus.

VOV4.K'Ho- Drim òr (13/10), tàm càr Ninh Bình, Ƀan Tuyên giáo dà lơgar đơng lam, pơgồp bal mờ Tỉñ ủy càr Ninh Bình bơyai lơh pơrjum jak chài dà lơgar “Ală jơnau cribơyai tàm sră pơ àr mờ bơta geh ngan broă lơh bơt bơtàu Đảng bè cíñ trị, bồ tơngoh, nùs nhơm tàm tŭ tơngai pa”.

VOV4.K’Ho- Ngai 12/10, tàm Hìu duh broă Củ tịc, Củ tịc lơgar ồng Võ Văn Thưởng tìp măt mpồl cau ala măt Mpồl duh broă Lơh broă sa sươn sre mờ Bơtàu tơnguh ƀòn lơgar Việt Nam di tơngkah kir sơnrai 10 nam ngai tơlik măt Mpồl nam 2013- 2023.

VOV4.K’Ho- Mang ngai 12/10, tàm Hìu đơs crih dờng Hà Nội, Thủ tướng Cíñ phủ ồng Phạm Minh Chính tus bal Dơ̆ bơyai lơh jàu Khà jờng gùt lơgar bè yal tơngĭt jơnau lơh broă mờ lơgar ndai dơ̆ IX.

VOV4.K’Ho- Mho ngai 12/10, Thủ tướng Cíñ phủ ồng Phạm Minh Chính neh wă ồng Ji Rong Rip, Phó Củ tịc, Kwang atbồ dờng gùt plai ù bơh Tập đoàn Kông nghệ Amkor dê gam geh dơ̆ còp mờ lơh broă tàm lơgar Việt Nam.

VOV4.K’Ho- Drim ngai 12/10, Mpồl Hòi jà làng bol Tỉñ ủy càr Dăk Lăk sơnđờm lơh Dơ̆ pơrlòng Chài hòi jà làng bol càr Dăk Lăk nam 2023, mờ bơta tus bal bơh mờr 200 nă cau pơrlòng dê.

VOV4.K’Ho- Tàm ƀòn dờng Ƀuôn Ma Thuột, Anih jơnau đơs Việt Nam mờ UɃÑZ càr Dăk Lăk pa bơyai lơh pơrjum tơn jơh 3 nam broă lơh lơh broă bal mblàng yal jơnau tơngai bơh nam 2021 tus 2025. Kwang geh jơng tàm Đảng Dà lơgar, Kwang atbồ dờng Anih jơnau đơs Việt Nam ồng Đỗ Tiến Sỹ bal mờ Kwang geh jơng tàm Đảng Dà lơgar, Ƀí thư Tỉñ ủy càr Dăk Lăk ồng Nguyễn Đình Trung đơng lam pơrjum.