VOV4.K’Ho- Mho ngai 16/10, Thủ tướng Cíñ phủ ồng Phạm Minh Chính wă rò ồng Prak Sokhonn, Kwang bàng Mpồl lơh broă sùm, Kwang ătbồ Ƀan lơh broă mờ lơgar ndai Đảng Làng bol lơgar Campuchia gam geh dơ̆ còp mờ lơh broă tàm lơgar Việt Nam.

VOV4.K'Ho - Củ tịc lơgar ồng Võ Văn Thưởng lam bồ Mpồl kwang bàng kâp dờng lơgar Việt Nam lòt gùng tus Bắc Kinh, tus bal Cribơyai kwang bàng kâp dờng lơh broă bal dunia “Gùng kềng mờ gùng” dơ̆ 3 bơh ngai 17 tus ngai 20/10.

VOV4.K’Ho- Drim ngai 16/10, Củ tịc lơgar ồng Võ Văn Thưởng neh wă Củ tịc Duma Dà lơgar Quốk hội lơgar Nga ồng Vyacheslav Viktorovich Volodin gam còp ngan ngồn lơgar Việt Nam.

VOV4.K'Ho - Drim ngai 16/10, tàm Hìu lơh broă Cíñ phủ, Thủ tướng Cíñ phủ ồng Phạm Minh Chính tìp mat ală mpồl lơh sa kă bro bơcri priă lơgar ndai- Lòt bal mờ bơtàu tơnguh bal mờ Việt Nam.

VOV4.K’Ho- Kờp bơh tŭ bơta àng bơh Đảng, Wa Hồ dê tus mờ làng bol ală jơi bơtiàn dùl êt nă cau càr Kon Tum dê, 93 nă do, cau Sơdàng, Bahnar, Jeh Triêng, Jrai, Brâu, Rơmăm mờ H’Rê tàm càr do kung gam sùm dùl nùs dùl tồr pin dờn kờñ gơboh Đảng. Bơta geh ngan pà gŏ, nàng ròng gàr bơta pin dờn ngan ngồn, kơ̆ kơl jăp jŏ jòng sùm mờ Đảng den dùl dang che brài pơrhê sùm sùm, broă lơh bơ̆t bơtàu Đảng tàm tiah jơi bơtiàn dùl êt nă cau càr Kon Tum sùm geh ală kâp ủy sền gròi uă ngan.

VOV4.K’Ho- Mho ngai 15/10, Thủ tướng Cíñ phủ ồng Phạm Minh Chính lơh broă mờ Kwang đơng lam bồ càr Trà Vinh nàng sền wơl cồng nha lơh jăt kơnòl broă bơtàu tơnguh lơh sa- mpồl bơtiàn mờ bơsong, hơ bàr pe jơnau lùp, ai tơl bơta ai càr Trà Vinh in bơtàu tơnguh mhar mờ kơ̆ kơl jăp.

VOV4.K’Ho- Bulah mpồl lơh broă geh gơnoar kung bè gah Bơto bơtê tiah do neh sùm geh jơnau yal tơngkah lài bè jơnau pơrlồm bơh tàm internet, mơya mìng tàm tŭ tơngai ờ jŏ lơm gời pa do uă cau pơgru tàm kơnhoàl Đăk Hà, càr Kon Tum neh gơtìp ală cau pơrlồm bal mờ priă gơtìp cau pơrlồm gơguh tus rlau 1 tơmàn 300 tơlak đong.

VOV4.K’Ho- Dờp jơnau jà bơh Củ tịc Quôk hội ồng Vương Đình Huệ dê, Củ tịc Duma Dà lơgar Quôk hội lơgar Nga ồng Vyacheslav Victorovich Volodin lam bồ Mpồl ala mat Kwang bàng Kâp dờng lơgar Nga còp ngan ngồn lơgar Việt Nam bơh ngai 15- 16/10.

VOV4.K’Ho- Di dơ̆ Lơh chờ Sen Dolta nam 2023 bơh làng bol kòn cau Khmer tiah đah Jum dà lơgar dê, Thủ tướng Cíñ phủ ồng Phạm Minh Chính tus còp, gờm chờ Mpồl Tam klăc ală cau kơđơng Yàng Phờk kờn gơboh dà lơgar càr Trà Vinh tàm Hìu Yàng Phờk Ông Mẹt (gam hòi là Hìu Yàng Phờk Kom Pong), tàm sơnah ƀòn 1, ƀòn dờng Trà Vinh.

VOV4.K'Ho- Ală nam do, ală kông ty kao su gơwèt Ƀiñ đoàn 15 tàm càr Gia Lai sùm ai lài broă rơwah, bơto cau lơh broă là cau kòn cau. Broă kis đềt mềr mờ làng bol kòn cau tàm do ờ mìng dong kờl kơl jăp mờ geh cồng nha lơh sa, kă bro bơh tơl mpồl dê, mờ neh pơgồp bal tàm broă bơtàu tơnguh ală bơta tàm rài kis bơh làng bol tàm tiah nhàr dà lơgar gơtìp uă kal ke càr Gai Lai in.