VOV4.K'Ho - Thủ tướng Cíñ phủ ồng Phạm Minh Chính neh wă Kwang pơlam broă lơngăp lơngai dà lơgar Ấn Độ ồng Ajit Doval di dơ̆ ồng lòt ies tơp ƀồc Tổng Ƀí thư ồng Nguyễn Phú Trọng.

VOV4.K’Ho- Tŭ gam kis, Tổng Ƀí thư ồng Nguyễn Phú Trọng sùm là dồ krơh àng bè rài kis pơndềt să, rềp mờ làng bol dồ nă kwang đơng lam bồ sùm jơh nùs jơh tồr mờ broă lơh ai Dà lơgar in pas sơm, làng bol in hờm ram mờ chờ hờp, kơlôi sùm mờ broă lơh bơ̆t bơtàu Đảng, bal mờ bồ tơnggoh kơlôi sơnơng ngăc ngar sơrbac mhar, jak chài, sền gŏ mhar ală broă gam gơkòl tàm Đảng nàng lơh niam wơl. Tổng Ƀí thư ồng Nguyễn Phú Trọng neh rê hờ tiah ơm bĭc sùm tàm bơta kah sơnđàc pơlai soh ngan gĭt lơh bơh Đảng, Dà lơgar mờ Làng bol Việt Nam dê mơya kung gam sơl tàm hơ̆ rùp să Tổng Ƀí thư ồng Nguyễn Phú Trọng - dùl krơh àng bơsram lơh jăt bồ tơngoh nùs nhơm broă lơh mờ rài kis Hồ Chí Minh dê.

VOV4.K'Ho - Klo yal Tổng Ƀí thư ồng Nguyễn Phú Trọng sang rài, Kwang gơnoar cih dờng Liên hợp quôk ồng Antonio Guterres neh lòt ies ƀồc Tổng Ƀí thư tàm Mpồl kwang bàng duh broă sùm lơgar Việt Nam tàm Liên hợp quôk tàm New York.

VOV4.K'Ho - Dơ̆ ies tơp ƀồc Tổng Ƀí thư ồng Nguyễn Phú Trọng geh lơh mờ bơhiàn dà lơgar ies tơp ƀồc.

VOV4.K'Ho - Mho ngai 24/7, tàm Hìu lơh broă Quôk hội, Củ tịc Quôk hội ồng Trần Thanh Mẫn wă Củ tịc Thượng viện lơgar Australia mò Sue Lines di dơ̆ tus bal Dà lơgar ies tơp ƀồc Tổng Ƀí thư ồng Nguyễn Phú Trọng.

VOV4.K’Ho- Ngai 24/07/2024, tàm Cơldŭ lơh broă Cíñ phủ, Thủ tướng Cíñ phủ ồng Phạm Minh Chính neh wă mpồl kwang bàng kấp dờng Đảng, Dà lơgar Cuba bơh Củ tịc Quôk hội ồng Esteban Lazo Hernandez lam bồ mpồl tus tàm pà bal muăt jrùm mờ tus bal Dơ̆ Dà lơgar ies tơ̆p ƀồc Tổng Ƀí thư ồng Nguyễn Phú Trọng.

VOV4.K’Ho- Di dơ̆ tơngkah kir sơnrai 77 nam Ngai Cau ling sồt să, Cau ling chơ̆t màng (27/7/1947 – 27/7/2024), mho ngai 24/07, Củ tịc lơgar ồng Tô Lâm bal mờ mpồl lơh broă Dà lơgar neh tus còp, pà phan cau ling sồt să tàm Anih tờm ròng siam cau ling sồt să Thuận Thành tàm xã Ninh Xã, kơnhoàl Thuận Thành, càr Bắc Ninh.

VOV4.K’Ho- Ngai do, 25/07, Mpồl duh broă Đảng Kộng sản dà lơgar Việt Nam, Quôk hội lơgar Kộng hoà xã hội củ nghĩa Việt Nam, Củ tịc lơgar Kộng hoà xã hội củ nghĩa, Cíñ phủ lơgar Kộng hoà xã hội củ nghĩa, Anih duh broă Mặt trận Dà lơgar Việt Nam mờ Hìu bơnhă bơyai lơh yŭ rơyùm dơ̆ ies ƀồc Tổng Ƀí thư Mpồl duh broă Đảng Dà lơgar, Ƀí thư Quân ủy dà lơgar ồng Nguyễn Phú Trọng.

VOV4.K'Ho - “Cribơyai broă mờ lơgar ndai jat gùng dà lơh tờm is, ai bơta kuơ làng bol lơh tờm” là jơnau pơrya geh đơs uă ngan tàm ală nam rềp ndo pah tŭ bol he đơs tus gùng dà lơh broă mờ lơgar ndai bơh lơgar Việt Nam dê, Jơnau pơrya do ờ di là dùl gah cribơyai broă mờ lơgar ndai pa lơm ờ, mờ hơ̆ là bơta tơrgùm wơl, là bơta tàm pơ dờn bồ tơngoh cribơyai broă mờ lơgar ndai Hồ Chí Minh, lơh gơs rùp hin loh làng gùng dà lơh broă mờ lơgar ndai mờ Đảng he neh lam lơh tàm nđờ jơt nam do. Tàm hơ̆, Tổng Ƀí thư ồng Nguyễn Phú Trọng sồr “cribơyai broă mờ lơgar ndai bơh Việt Nam dê pal ngac ngar, rơcang lài, bơceh lơh mờ lơbơn rlau drơng bơtàu tơnguh lơh sa mờ sơlơ tơnguh tai gơnoar broă dà lơgar”.

VOV4.K’Ho- Ală ngai do, làng bol ală jơi bơtiàn jơh gùt lơgar gam wèt plai nùs rê mờ càr lơgar Hà Nội, jê sồt muăt jrùm, kah sơnđàc pơlai soh ngan mờ ală bơta roh rui dờng ngan bơh Dà lơgar, bơh jơi bơtiàn dê tềp đang bơta sang rài bơh Tổng Ƀí thư ồng Nguyễn Phú Trọng dê.