VOV4.K’Ho- Dơ̆ ies tơ̆p ƀồc Tổng Ƀí thư ồng Nguyễn Phú Trọng geh bơyai lơh tàm tŭ 01 jơ ngai do (26/07), tàm Hìu Ies tơ̆p ƀồc Dà lơgar, hìu sồ 05, gùng Trần Thánh Tông, ƀòn dờng Hà Nội. Dơ̆ tơ̆p tàm tŭ 03 jơ mho ngai bal tàm Ƀlàng tơ̆p ƀồc Mai Dịch, ƀòn dờng Hà Nội.

VOV4.K’Ho- Drim ngai 25/07, làng bol ală jơi bơtiàn mờ mpồl cau tàm uă tiah tàm tiah Tây Nguyên neh yŭ rơyùm iăt sền dơ̆ bơyai lơh ies ƀồc Tổng Ƀí thư ồng Nguyễn Phú Trọng bơh anih pờ tơlik jơnau đơs, anih sơñio rùp.

VOV4.K’Ho- Dơ̆ bơyai lơh ies ƀồc Tổng Ƀí thư ồng Nguyễn Phú Trọng geh lơh ki ngàm yŭ rơyùm, ngoh rơngăc ngan.

VOV4.K’Ho- Ngai 25/07, tàm Hìu duh broă Cíñ phủ dê, Thủ tướng Cíñ phủ ồng Phạm Minh Chính neh wă rò ồng Vương Hộ Ninh, Kwang bàng duh broă sùm Ƀộ Cíñ trị Đảng Kộng sản lơgar Lo, Củ tịc Anih duh broă Mặt trận dà lơgar Lo, Ala măt is ồn bơh Tổng Ƀí thư, Củ tịc lơgar Lo ồng Tập Cận Bình lam bồ Mpồl cau ala măt Đảng Kộng sản lơgar Lo tus Việt Nam tus bal ală broă lơh còp ies ƀồc Tổng Ƀí thư ồng Nguyễn Phú Trọng.

VOV4.K'Ho - Gơ wèt mờ làng bol ală jơi bơtiàn Tây Nguyên, rùp să Tổng Ƀí thư ồng Nguyễn Phú Trọng rềp mềl ngan kờñ gơboh ngan tài bơh rài kis nùs nhơm pơndềt să ngan, lơbơn lơmư rơlĕ rơlùn ngan. Rùp să hơ̆ neh lời wơl jơnau kah wơl uă ngan mờ ală kwang bàng, đảng viên mờ làng bol ală jơi bơtiàn Tây Nguyên pah dơ̆ chờ hờp geh wă rò Ồng rê còp. Mờ tơl jơnau nting bơr bơh Tổng Ƀí thư ồng Nguyễn Phú Trọng dê gam là bơta gơn kơnờm dong kwang bàng mờ làng bol lơh ngan tàp bơsram brồ guh.

VOV4.K'Ho- Kwang đơng lam bồ ală lơgar tơngŏ bơta kah sơnđàc pơlai soh uă ngan tềng đăp bơta sang rài bơh Tổng Ƀí thư ồng Nguyễn Phú Trọng dê, pơyoa jơnau lùp còp mờ tam pà bal muăt jrùm uă ngan tus Củ tịc lơgar ồng Tô Lâm, kwang đơng lam bồ Đảng, Dà lơgar mờ làng bol Việt Nam.

VOV4.K'Ho- Neh geh uă mpồl năc ală lơgar tus ies ƀồc Tổng Ƀí thư ồng Nguyễn Phú Trọng.

VOV4.K’Ho- Drim ngai 25/07, tàm Hìu pơrjum Thống Nhất, ƀòn dờng Hồ Chí Minh geh bơyai lơh dơ̆ ies ƀồc Tổng Ƀí thư Mpồl duh broă Đảng Kộng sản dà lơgar Việt Nam ồng Nguyễn Phú Trọng.

VOV4.K'Ho - Thủ tướng Cíñ phủ ồng Phạm Minh Chính neh wă Kwang pơlam broă lơngăp lơngai dà lơgar Ấn Độ ồng Ajit Doval di dơ̆ ồng lòt ies tơp ƀồc Tổng Ƀí thư ồng Nguyễn Phú Trọng.

VOV4.K’Ho- Tŭ gam kis, Tổng Ƀí thư ồng Nguyễn Phú Trọng sùm là dồ krơh àng bè rài kis pơndềt să, rềp mờ làng bol dồ nă kwang đơng lam bồ sùm jơh nùs jơh tồr mờ broă lơh ai Dà lơgar in pas sơm, làng bol in hờm ram mờ chờ hờp, kơlôi sùm mờ broă lơh bơ̆t bơtàu Đảng, bal mờ bồ tơnggoh kơlôi sơnơng ngăc ngar sơrbac mhar, jak chài, sền gŏ mhar ală broă gam gơkòl tàm Đảng nàng lơh niam wơl. Tổng Ƀí thư ồng Nguyễn Phú Trọng neh rê hờ tiah ơm bĭc sùm tàm bơta kah sơnđàc pơlai soh ngan gĭt lơh bơh Đảng, Dà lơgar mờ Làng bol Việt Nam dê mơya kung gam sơl tàm hơ̆ rùp să Tổng Ƀí thư ồng Nguyễn Phú Trọng - dùl krơh àng bơsram lơh jăt bồ tơngoh nùs nhơm broă lơh mờ rài kis Hồ Chí Minh dê.