VOV4.K’Ho- Ală gah yal tơngit, sră ƀăo dờng tàm ală lơgar sùm tơlik uă jơnau cih, rùp rài bè dơ̆ ies tơ̆p ƀồc Tổng Ƀí thư ồng Nguyễn Phú Trọng, tam pà nùs nhơm bơh bơyô ală lơgar gơwèt mờ “kwang đơng lam dờng” bơh làng bol lơgar Việt Nam.

VOV4.K’Ho- Tàm 02 ngai geh bơyai lơh Dà lơgar ies tơ̆p ƀồc Tổng Ƀí thư ồng Nguyễn Phú Trọng neh geh gal kwang bàng, đảng viên, ală làng bol, kơnòm bơsram, cau bơsram dờng… mờ nùs nhơm git jơnau neh tus ies mờ tơngăc Tổng Ƀí thư rê ơm tàm làng ƀồc.

VOV4.K’Ho- Mho òr (26/07), tàm nùs nhơm ngoh rơngăc mờ kah pơlai uă ngan, Mpồl duh broă Đảng Kộng sản lơgar Việt Nam, Quốk hội lơgar Kộng hoà xã hội chủ nghĩa Việt Nam, Củ tịc lơgar Kộng hoà xã hội chủ nghĩa Việt Nam, Cíñ phủ lơgar Kộng hoà xã hội chủ nghĩa Việt Nam, Anih duh broă Mặt trận Dà lơgar Việt Nam bơyai lơh kah kơlôi, ntrờn mờ tơ̆p ƀồc ồng Nguyễn Phú Trọng, Tổng Ƀí thư Mpồl duh broă Đảng Kộng sản lơgar Việt Nam jăt broă lơh dà lơgar ies tơ̆p ƀồc.

VOV4.K'Ho- Dơ̆ pơrjum kah pơlai Tổng Ƀí thư ồng Nguyễn Phú Trọng geh bơyai lơh tàm tŭ 1 jơ mho ngai 26/7 tàm Hìu ies tơp ƀồc dà lơgar sồ 5 gùng Trần Thánh Tông, ƀòn dờng Hà Nội; bơyai lơh dơ̆ lĕ bal tàm Hìu pơrjum Thống Nhất, ƀòn dờng Hồ Chí Minh mờ tàm ƀòn tờm tàm xã Đông Hội, kơnhoàl Đông Anh, ƀòn dờng Hà Nội.

VOV4.K’Ho- Drim òr (26/07), Dơ̆ kah kơlôi Tổng Ƀí thư ồng Nguyễn Phú Trọng geh làng bol kòn cau Sơdàng tàm 86 thôn, ƀòn tàm kơnhoàl Tu Mơ Rông, càr Kon Tum bơyai lơh dơ̆ lĕ bal tàm tŭ 08 jơ drim ngai òr (26/07) tềng hìu rông ală ƀòn dê.

VOV4.K'Ho - Tàm ală nam nhai tam lơh cui rơcai, tàm tiah tam lơh đah tô Tây Nguyên, kwang bàng, cau ling mpồl phàu crong geh klo yal uă ngan bè ùr ròng ling kòn cau Sơdàng, Y Buông. Mờ bơta kờñ gơboh cau ling bal, tàm bơta ƀồm mền bol sò tơm dê, ùr Y Buông neh ờ ngòt ƀồm mền, bơta sơbơng roh, kơlôi rơcang ling in ală dơ̆ sàu piang hờm, tơl pràn nàng tam lơh mờ bol sò tơm. Mò là ùr khin cha jak chài mìng dùl lơm tàm Kon Tum, bulah neh dờng sơnam, mơya kung gam sòl pơnđàng sùm nùs nhơm kac màng, là bơta gơn kơnờm, bơta niam nàng cau kơnòm să in bơsram, đòm jat.

VOV4.K'Ho - Drim ngai 26/7, tàm Hìu lơh broă Cíñ phủ, Thủ tướng Cíñ phủ ồng Phạm Minh Chính neh tìp mat Tổng Ƀí thư, Củ tịc lơgar Lào ồng Thongloun Sisoulith mờ Pơ ùr di dơ̆ lòt lơgar Việt Nam tus bal Dà lơgar ies tơp ƀồc Tổng Ƀí thư ồng Nguyễn Phú Trọng.

VOV4.K’Ho- Ngai 26/07, tàm Hìu lơh broă Cíñ phủ, Thủ tướng Cíñ phủ ồng Phạm Minh Chính neh wă rò ồng Jakkapong Sangmanee (Chặc-ca-pông Xẻng-ma-ni), Ƀộ trưởng Cơldŭ lơh broă Thủ tướng, Kwang drơng broă bơh Thủ tướng lơgar Thái Lan dê di dơ̆ tus ies tơ̆p ƀồc Tổng Ƀí thư ồng Nguyễn Phú Trọng.

VOV4.K’Ho- Mpồl Bơyai lơh dơ̆ ies tơ̆p ƀồc Dà lơgar mờ hìu bơnhă jơh nùs ưn ngài nùs nhơm dờng màng ngan bơh làng bol, oh mi, cau ling gùt lơgar, làng bol he tàm lơgar ndai mờ gơ̆p bơyô ală lơgar gơ wèt mờ ƀồc ồng Nguyễn Phú Trọng, Tổng Ƀí thư Mpồl Duh broă Đảng Kộng sản dà lơgar Việt Nam.

VOV4.K’Ho- Mho òr (25/07), tàm Gơlang Củ tịc, Củ tịc lơgar ồng Tô Lâm neh wă Mpồl kwang bàng kấp dờng Đảng, Dà lơgar Lào geh ồng Thongloun Sisoulith, Tổng Ƀí thư, Củ tịc lơgar Lào lam bồ mpồl kwang bàng tus Ies tơ̆p ƀồc Tổng Ƀí thư ồng Nguyễn Phú Trọng.