Ala măt đơng lam bồ Kwang àng càr Dăk Lăk neh jàu jơnau lơh nền gơ wèt mờ Đại tá ồng Nguyễn Văn Quy, Phó Drơng kơnòl duh broă sùm Anih duh broă Sền swì Đảng ủy Kwang àng càr; Đại tá ồng Nguyễn Hữu Lương, Lam bồ Cơldŭ Lơngăp lơngai Cíñ trị dơlam is; Thượng tá ồng Ngô Văn Hiển, Lam bồ Cơldŭ Sră nggal; Thượng tá ồng Lê Tôn Cương- Lam bồ Cơldŭ Lơh jăt jơnau lơh nền lơh glài bơh anih cah rña lơh tìs glài kŭp jàm mờ Dong kờl sền gàr adăt boh lam; Thượng tá ồng Hà Quốc Huy- Lam bồ Lùp sền Kwang àng càr; Thượng tá ồng Cao Tiến Phú- Lam bồ Cơldŭ Kảñ sát ntrờn làm bă tiah; Thượng tá Niê Thủy Hồng- Kwang Lam bồ Hìu sơnơm Kwang àng càr mờ Thượng tá ồng Nguyễn Văn Lân- Lam bồ Kwang àng kơnhoàl M’Drăk. Bal mờ hơ̆, đơng lam bồ Kwang àng càr kung neh jàu jơnau lơh nền gơ wèt mờ 3 nă kwang bàng kâp phó lam bồ cơldŭ rê rlô lơh broă lài mờ sơnam ai rê rlô.

Thiếu tướng ồng Lê Vinh Quy, Kwang Lam bồ Kwang àng càr Dăk Lăk chờ hờp bal mờ ală kwang bàng kwang àng neh lơh sir jak ngan kơnòl broă geh jàu, rlô lơh broă, dờp bơta dong kờl rê rlô lơh broă jăt jơnau cih; mơkung cih dờp ală cồng nha lơh broă, tă pơgồp kwơmàng bơh ală kwang bàng dê pơgồp bơnah tàm cồng nha lơh geh bal bơh mpồl kwang àng càr dê tàm ală nam do.