Mờ 1 rơbô 700 mpồl lơh sa kă bro tơnggơs pa bơh bồ nam 2026 tus tŭ do, jơh gùt càr Dăk lăk tŭ do geh 19 rơbô 575 mpồl lơh sa kă bro làng bol dê lơh is gam lơh broă, kờp jơh priă bơcri lơh bè ờs dan bơcri lơh 80 rơbô tơmàn đong. Bal mờ bơta gơguh bè khà mpồl lơh sa kă bro, priă lơh geh bơh kes priă dê càr dê kung cih dờp khà gơguh tai niam.

Jat ồng Nguyễn Anh Tuấn, Lam bồ Tă priă dia càr Dăk Lăk, broă geh tai 1 rơbô 700 mpồl lơh sa kă bro pa mut bal tàm drà kă bro mờ gah broă li la là tềl tơngŏ niam ngan gơwèt mờ ală mpồl lơh sa kă bro mờ tiah ơm kis bơcri priă lơh sa kă bro bơh tiah do dê. Do ờ mìng là ală bơta kwơ màng nàng sơlơ tơnguh tai bơtàu tơnguh lơh sa- mpồl bơtiàn lơm mờ gam pơgồp bơnah tơnguh priă rề dia, lơh geh bơta gơn kơnờm lơh jat jơnau kờñ gơguh tai lơh sa 2 nơm khà bơh càr dê tàm nam 2026 mờ tơngai pơn jat tai.