Jơnau yal bơh Sở Nội vụ càr Dăk Nông, mpồl lơh broă do neh pơyoa jơnau yal tus mờ Anih duh broă Làng bol càr Dăk Nông bè 6 nă cau là Phó Kwang Lam bồ ală sở cih mat dan rê rlô lơh broă lài mờ sơnam ai rê rlô jat Jơnau lơh nền bơh Cíñ phủ dê sồ 178, geh: ồng Lê Quy, Phó Kwang Lam bồ Sở Nội vụ, ồng Trần Ngọc Lâm, Phó Kwang Lam bồ Sở bơt bơtàu, ồng Nguyễn Ngọc Luỹ, Phó Kwang Lam bồ Sở Broă rơndăp lơh mờ Bơcri priă, ồng Nguyễn Văn Phò, Phó Kwang Lam bồ Sở Priă jền, ồng Phạm Văn Mạnh, Phó Kwang Lam bồ Sở Gùng lòt rê- Jun pơndiang, ồng Lưu Văn Đặng, Phó Kwang Lam bồ Sở Jak chài mờ Măi mok.

Jat Sở Nội vụ càr Dăk Nông, càr neh geh broă lơh tơn jơh lơh broă 10 mpồl đảng, anih lơh broă, mpồl lơh broă tàm kấp càr; tơmut bal 10 sở gơ gơs 5 sở. Jơh bal 6 Phó Kwang Lam bồ cih mat dan rê rlô lơh broă lài mờ sơnam ai rê rlô dơ̆ do ndrờm gơwèt ală sở mờ càr Dăk Nông rơ̆p lam lơh tơmut bal tàm tơngai tus.