Kwang lam bồ Anih duh broă bơta kơp kờñ làng bol mờ jat sền ồng Dương Thanh Bình neh đơng lam dar pơrjum. 

Nàng lơh gơs gùng dà ngan ngồn wil tơl ală jơnau lơh nền, broă lơh pa bơh Đảng dê bè rơndap sap sèng, tơrmù lơyah mpồl cau lơh broă sră pơ àr gơnoar atbồ tàm ală anih lơh broă cíñ trị, lam lơh broă lơh kâp hơ đơm 2 kâp, rơndap lơh Adat tam gơl bơ tơl bàr, pe bơta bơh Adat tĕ khà cau ala mat Quôk hội mờ cau ala mat Mpồl duh broă làng bol neh geh kờp sền, lơh sir nàng tam gơl, bơ tơl ală tơngume geh gơ rềng tàm 48 tàm khà 98 bơta bơh Adat gam ngui tŭ do dê. Wèt tus tam gơl, tơrgùm ală jơnau cih geh gơ rềng tus broă rơndap lơh gơnoar atbồ kâp hơ đơm 2 kâp, tam gơl tơrmù tŭ tơngai lơh jat broă rơndap lơh, sră nggal tĕ khà, mờ kung pơgồp bal tam gơl, bơtơl bàr pe sèng, bơta gơ rềng tus broă lơh tĕ khà cau ala mat Quôk hội mờ cau ala mat Mpồl duh broă làng bol.