Pal sền gròi ngan là, tàm ală cau do, 2 nă Kwang bàng Mpồl Lơh kơnòl broă sùm Tỉñ ủy càr, geh mò H’Lim Niê, Kwang atbồ Mpồl Mblàng yal bơto bơtê Tỉñ ủy càr, mờ mò H’Kim Hoa B’Yă, Kwang atbồ Mpồl Hòi jà làng bol Tỉñ ủy càr. Bơdìh hơ̆, gam geh ồng Rơ Lan Vôn Ga, Ƀí thư Huyện ủy kơnhoàl M’Drăk mờ 3 nă kwang bàng ndai là kwang lam bồ, phó kwang lam bồ ală anih lơh broă, mpồl lơh broă. Kung jat ồng Hải, geh tai 3 nă kwang bàng ndai neh kờñ dan rê rlô lơh broă lài mờ sơnam ai rê rlô mờ Mpồl rơndăp broă Tỉñ ủy càr dê bè broă lơh sră dan rê rlô lơh broă jat broă lơh dê.

Ồng Nguyễn Thượng Hải pà gĭt tai, ală sră dan rê rlô lơh broă ndrờm geh ring bal uă, mờ jơnau tờm ală kwang bàng, đảng viên do kơ̆p kờñ lơh geh ală bơta ai mpồl kwang bàng kơnòm să in bơtàu tơnguh mờ dờng pràn, mơkung dong kờl broă lơh tơrmù cau lơh broă sa priă nhai Dà lơgar, rơndăp tăp sèng wơl mpồl lơh broă bơh càr dê.