Đơs tàm pơrjum, Tổng Ƀí thư ồng Tô Lâm neh yal wơl ală cồng nha geh pơnrơ kwơ màng ngan tàm jơh ală gah broă bơh Dà lơgar dê tàm nam 2024, mờ đơs nền tàm ală cồng nha neh lơh geh, geh bơnah broă pơgồp bal dờng màng ngan bơh ală kwang đơng lam bồ, ală kwang bàng kăc màng lài do dê bal mờ uă cau jăk chài, cau bơsram dờng tàm lơgar mờ cau lơgar Việt Nam kis tàm lơgar bơdìh.

Bè kơnòl tàm tơngai tus, jăt Tổng Ƀí thư đơs, nàng pơn jăt tai dờp kơnòl kwơ màng bơh broă ai Dà lơgar kơ̆ kơl jăp mŭt tàm rài pa, tàm tơngai tus, he pal pơn jăt tai tam gơl pa pràn kơl dang gùng dà broă đơng lam, tơnguh uă bơta pràn đơng lam, bơta pràn at gơnoar broă bơh Đảng dê. Đơs tus bè kơnòl tờm là bơtàu tơnguh lơh sa mpồl bơtiàn, Tổng Ƀí thư đơs là, jơh ală mpồl lơh broă cíñ trị kung pal tơrgùm lơh geh cồng nha mờ mùl màl broă bơ̆t bơtàu wơl lơh sa, pơgồp bal mờ tam gơl broă gơguh lơh sa, bơ̆t bơtàu tàm tơngu me jăk chài, măi mok pa, tam gơl sồ.