Tàm broă lơh, 58 hìu bơnhă Kwang àng pơn rơ jak geh jờng rơ, ala mat ai gĭt nđờ rơhiang rơbô hìu bơnhă tàm gùt mpồl Kwang àng Làng bol dê. Tơl hìu bơnhă geh dùl rài kis, dùl jơnau yal is, mơya ndrờm tàm tìp mat tàm dùl bơta bal là bơta jàu phi, tam pà bal mờ gơ gơs tiah kơl dìng kơnhăp kơ̆ nàng kwang bàng, cau ling in sơr lèt gan kal ke, lơh sir niam ngan kơnòl broă.

Đơs đơng lam tàm broă lơh, Thượng tướng ồng Lê Quốc Hùng, Thứ trưởng Bộ Kwang àng đơs nền, gơwèt mờ mpồl Kwang àng làng bol, hìu bơnhă là tiah dong kờl kơnhăp kơ̆, là tiah kơldìng nùs nhơm dong kờl ai bơta pràn nàng tơl nă cau ling in sơr lèt gan tơl bơta bòl glar kal ke, gàr kơ̆ jơnau sơntơm să tài broă lơh sền gàr lơngăp lơngai Dà lơgar tờm. Thứ trưởng ồng Lê Quốc Hùng kung kơ̆p kờñ tơl hìu bơnhă Kwang àng pơn jat tai gui niam bơhiàn ờs mờng, bơto bơtê oh kòn kis geh bồ tơngoh kơlôi sơnơng, pơgồp bơnah bơt bơtàu mpồl Kwang àng ngai sơlơ kơ̆ pràn tàm rài bơtàu tơnguh pa bơh Dà lơgar dê.