Jăt Sờh Lơh sơnơm càr Gia Lai yal, bơh bồ nam tus tŭ do, gùt càr neh gŏ rơlao 2 rơbô nă cau gơtìp duh să gơlik toh geh pin kòp rang tàm jơh 17 kơnhoàl, ƀòn drà dờng, ƀòn dờng tàm càr dê. Tàm hơ̆, khà cau geh pin gơtìp kòp rang ờ hềt cit vaccine geh 40%.

Nam 2024, càr neh geh khà cit vaccine rơlao 95%, mờ tŭ do gam cit tàm nam 2025 tai, lơh ngan lơh gơs tàm nhai 3 mờ jơnau kờñ cit caccine rơlao 95% ai kơnòm dềt tàm sơnam pal cit in. Tàm dơ̆ lơh broă, mpồl lơh broă bơh Ƀộ Lơh sơnơm đơs nền tus mờ broă pal cih vaccine, sồr càr Gia Lai lơh gơs jơnau yal, lơh pràn broă cit mờ tơrgùm tơrmù lơh gơtờp tàm bơrlŭ tàm hìu sơnơm sơm kòp. Bal mờ hơ̆, càr Gia Lai pal tơnguh uă jơnau git wă mpồl bơtiàn, tơnguh broă sền gròi kòp gơtờp mờ pơgồp bal nền nòn đah ală anih lơh broă geh gơnoar nàng kơrian kòp gơtờp geh cồng nha.