Chờ hờp ồng Huỳnh Thành Đại ăt gơnoar broă kơn jơ̆ pa, Lam bồ Mpồl Mblàng yal bơto bơtê mờ Hòi jà làng bol Dà lơgar ồng Nguyễn Trọng Nghĩa đơs là, do rơ̆p là dồ bơta pràn pa mờ dồ bơta pràn nùs nhơm pa nàng Mpồl Mblàng yal bơto bơtê mờ hòi jà làng bol Dà lơgar in pơn jăt tai lơh sir gơnoar broă kơn jơ̆ ngan geh Đảng, Dà lơgar mờ Làng bol jàu kơnòl. Ồng Huỳnh Thành Đạt deh tàm càr Bến Tre, geh bơto bơsram wil tơl, sơrlèt uă gơnoar broă lơh broă.

Tàm gơnoar broă Ƀộ trưởng Ƀộ Jak chài mờ Măy mŏk, ồng Huỳnh Thành Đạt neh tă pơgồp, ai broă jak chài mờ măy mŏk geh bơta tam gơl pràn. Jak chài mờ măy mŏk là dùl tàm ală broă tam gơl pràn, chồl tơngguh tam gơl pa bơceh lơh, là bơnàng jă nàng dà lơgar mŭt tàm rài pa, rài brồ să jơi bơtiàn dê. Den tàng bè hơ̆, gơnoar broă kơnòl broă bơh Mpồl Mblàng yal bơto bơtê mờ Hòi jà làng bol Dà lơgar dê kung kờñ pal lơh pràn tam gơl sồ tàm broă lơh pơlam gùng bồ tơngoh, yal tơnggĭt mblàng yal broă lơh tus tơl kwang bàng, đảng viên mờ làng bol in.