Ƀộ trưởng Ƀộ Ling klàng ồng Phan Văn Giang còp, pà phan hìu bơnhă geh sră dong kờl Dà lơgar pơn rơ jak mờ ală mpồl phàu crong càr Dăk Lăk in
Thứ hai, 14:10, 21/07/2025
Cau mblàng K’Hạnh/VOV
Cau mblàng K’Hạnh/VOV
VOV.K’Ho- Drim (20/07), Đại tướng ồng Phan Văn Giang, Ƀộ trưởng Ƀộ Ling klàng, neh tus còp, pơndờm pơnđiang, pà phan ai ală hìu bơnhă geh sră dong kờl Dà lơgar pơn rơ jak mờ ală mpồl ling phàu crong càr Dăk Lăk di dơ̆ tơnkah 78 nam Ngai Cau ling sồt să - Cau ling chơt màng (27/7).
Tàm dơ̆ còp mờ pà phan, Ƀộ trưởng Ƀộ Ling klàng ồng Phan Văn Giang cih dờp ală lơh ngan bơh Đảng ƀộ, gơnoar atbồ mờ Làng bol ală jơi bơtiàn càr Dăk Lăk dê tàm bơtàu tơnguh lơh sa- mpồl bơtiàn, gàr niam lơngăp lơngai, sền gàr Dà lơgar, mơkung sồr ală kấp, gah broă pơn jat tai sền gàr niam ngan rlau tai ai cau geh màng mờ Dà lơgar mờ ală cau geh sră dong kờl Dà lơgar dê.
Ƀộ trưởng ồng Phan Văn Giang neh jàu pà 65 bơnah phan pà ai ală hìu bơnhă geh sră dong kờl Dà lơgar pơn rơ jak tàm càr Dăk Lăk, mơkung yal Ƀộ Ling klàng rơ̆p dong kờl càr lơh jat bàr pe broă lơh, rơndăp broă lơh, tàm hơ̆ geh bơt bơtàu dùl tiah hìu bơsram kấp 1 mờ hìu bơsram kấp 2 tàm tiah nhàr lơgar, mờ kờp jơh priă tă lơh 150 tơmàn đong.
Viết bình luận