Đơs tàm dơ̆ bơyai lơh, ồng Đặng Đức Hiệp, Ƀí thư Thàñ ủy ƀòn dờng Dà Làc đơs nền, tàm dơ̆ tam lơh dră wơl bol sò tơm Mỹ tơngklàs dà lơgar, Dà Làc – Tuyên Đức neh kơ̆ dơn tam lơh, pơgồp bơnah kuơmàng ngan tàm broă lơh tơngklàs tiah đah jum, tơrgùm dùl dà lơgar. Tàm tơngai tus, Đảng ƀộ, gơnoar atbồ mờ làng bol ƀòn dờng pơn jat tai đòm jat bơta pràn tam klac dờng, lơh ngan bơt bơtàu Dà Làc gơ gơs là tiah drà ngac ngar, tiah drà phan lời wơl dunia, ngui geh cồng nha tơl bơta priă jền, lam Dà Làc bơtàu tơnguh kơ̆ kơljap.

Di dơ̆ do, Anih duh broă làng bol càr Lâm Đồng kung pà Gai lòng kir sơnrai “Tài broă lơh bơt bơtàu mờ bơtàu tơnguh càr Lâm Đồng” ai 50 nă cau dồ nă să lài do là kwang bàng, kwang đơng lam bồ càr, ƀòn dờng bơh ală tŭ tơngai, làng bol mờ mpồl lơh sa kă bro tàm càr tă pơgồp uă ngan tàm bơta bơtàu tơnguh càr dê.