Dơ̆ pơrjum nàng kờñ sền tơngai lam lơh, bơta niam broă rơcang lài ai ală broă lơh tờm in bè dơ̆ bơyai lơh tơngkah, ai ling lòt tàm pơdar tàm gùng. Tus tŭ do, ƀòn dờng neh lơh gơs 8 mpồl broă dờng, tàm hơ̆ geh uă broă kuơmàng bè pơrjum tìp mat kwang bàng dờng sơnam, broă lơh đơs crih tamya “Dà lơgar wil tơl bơta chờ hờp”, dơ̆ nhơl gùng đơs crih “Gùng đơs crih bơta ring lơngai”…

Ồng Nguyễn Văn Nên sồr jơh ală kwang bàng, kông cứk git nền nùs nhơm “lơh jơh broă ờ di là jơh jơ”, tam gơl ka, tam pà ka nàng gàr niam tŭ tơngai mowf bơta niam ngan rlau jơh ai ală broă lơh tơngkah in. Mang ngai 25/4, tam gơl gùng Lê Duẩn, quận 1, ƀòn dờng Hồ Chí Minh geh lơh dơ̆ sền sơ wì ai ling lòt pơdar tàm gùng kâp dà lơgar rơcang tus ngai chờ dờng 30/4.