Jat Jơnau lơh nền tàm pơrjum sồ 1193 bơh Anih duh broă Lơh kơnòl broă sùm Quôk hội dê bè rơndăp tăp sèng mpồl lơh  broă sră nggal gơnoar atbồ kấp sàh bơh càr Dăk Lăk tơngai bơh nam 2023 – 2025, ƀòn drà dờng Buôn Hồ, càr Dăk Lăk geh bơta tam gơl, tơmut bal rlau 30 kơi sồ vuông bă ù geh is mờ mờr 3 rơbô 500 nă làng bol bơh sàh Ea Blang mut bal tàm 2 sàh là Ea Siên mờ Ea Drông.

Nàng dong làng bol ai, tam gơl sră pơ àr tơnơ̆ tŭ tơmut bal mpồl lơh broă sră nggal gơnoar atbồ kấp sàh dùl bă mhar ngan, anih lơh broă geh gơnoar neh mù tus tàm sàh tơn nàng lơh broă ai, tam gơl sră kăn kướk làng bol mờ ai, tam gơl sră dờp ngui ù; tàm hơ̆ uă ngan tam gơl ù tiah bă ù, ù tiah ơm kis sùm bơh làng bol dê. Ala tài bơh tong sră nggal tàm mpồl lơh broă dùl mpồng bơh ƀòn drà dờng dê, làng bol mìng tong sră nggal mờ dờp wơl cồng nha tàm Hìu Niam chài sàh Ea Drông dê lơm. Broă lơh do neh tơnguh uă cồng nha drơng broă sră nggal gơnoar atbồ mờ drơng broă dà lơgar, lơh jat niam ngan rlau jơh cồng nha bơsong sră nggal gơnoar atbồ, lơh geh ală bơta ƀuơn ngan ai làng bol in. Kờp dŭ, mìng tàm 1 poh ală sră nggal ai, tam gơl sră pơ àr rơ̆p lơh sir.