Tàm pơrjum, ală cau ala mat neh geh yal ală tơngume kuơmàng, ală tơngume tờm ngan bơh Pơrjum dờng cau ala mat gùt lơgar dơ̆ XIV bơh Đảng dê. Tàm hơ̆ đơs sùm ală gùng dà, jơnau kờñ, kơnòl broă mờ broă lơh bơtàu tơnguh dà lơgar tàm tŭ tơngai pa. Pơrjum kung tơrgùm mblàng yal, bơsram tơngume Jơnau lơh nền tàm pơrjum sồ 79 bè bơtàu tơnguh lơh sa dà lơgar mờ Jơnau lơh nền tàm pơrjum sồ 80 bè bơtàu tơnguh niam chài Việt Nam tàm tŭ tơngai pa.

Ală tơngume geh yal tơnggit dong kwang bàng, cau ling mpồl phàu crong càr git loh rlau tai gơnoar broă bơh lơh sa dà lơgar dê tàm rài lơh sa drà kă bro jat gùng dà sàh hội củ nghĩa, mờ kung đơs nền bơta kuơmàng bơh broă bơt bơtàu rài niam chài Việt Nam gơguh jak, bềng lìu bơta niam chài jơi bơtiàn, pơgồp bơnah lơh gơlik bơnàng jă nùs nhơm kơnhăp kơ̆ ai broă lơh bơt bơtàu mờ sền gàr dà lơgar in. Bal mờ hơ̆, pơrjum gam yal bàr pe sră nggal pa bơh Ƀộ Ling klàng dê gơ rềng tus kơnòl broă ling klàng, sền gàr dà lơgar, bơt bơtàu mpồl lơh broă mờ crăp rơcang tam lơh.