Tơrgùm kờp bơh nam lài tus tŭ do, tàm ù tiah càr Dăk Lăk neh gơlik geh git nđờ jơt dơ̆ trồ tiah lơh aniai, lơh git nđờ rhiang nă cau chơt mờ lơh gơbàn hoàc huơr git nđờ rhiang rbô tơmàn đong. Tềng đap bơta hơ̆, càr Dăk Lăk ring bal broă rơndap lơh nam do crăp rơcang ai rlau 24 rbô nă kwang bàng, cau ling bal mờ 35 rbô nơm phan bơna, rơndeh rơndồ, măi mok nàng dong kờl ntrờn làng bol mờ dong kờl rềs àr.

Đơng lam pơrjum, Đại tá Lê Văn Hùng, Phó Lam bồ Gah đơng lam Ling klàng càr Dăk Lăk sồr ală mpồl mhar sền wơl broă rơndap lơh, git loh tiah kuơmàng mờ lơh jat niam jơnau đơs “4 tơn tàm dùl anih”. Mờ kung gàr sùm broă ơm gak, crăp rơcang drơng broă, sơlơ pơlam tàp bơta chài nàng rơcang lài bơsong geh cồng nha tơl broă gơlik geh tàm nhai mìu, càl rbut dờng.