Lài hơ̆, tàm drim ngai 20/7, đơng lam mờ đơs sơn đờm mut pơrjum, ồng Tô Lâm, Tổng Bí thư, Chủ tịch lơgar đơs sùm: Pơrjum dơ̆ do geh kơnòl broă kuơmàng ngan là tam gơl ală pơlam gùng kwơmàng bơh Jơnau lơh nền tàm Pơrjum dờng dơ̆ XIV gơs jơnau lơh nền mùl màl kờñ tă bơsong bơta gơkòl, tă ai priă bơcri mờ lơh gơlik bơta gơn kơnờm bơtàu tơnguh pa.

Ồng Tô Lâm, Tổng Bí thư, Chủ tịch lơgar sồr ală cau ala mat tơrgùm cribơyai 13 tơngume tờm gơ wèt uă gah broă, tă pơgồp jơnau đơs tơn tàm jơnau rơcang cih Jơnau lơh nền tàm pơrjum mờ Broă lơh lơh broă. Is ồn, ală jơnau đơs kờñ pal lơyah, loh làng jơnau kờñ đơs, yal broă rơndap lơh niam ngan rlau jơh nàng tơnguh pràn jak đơng lam broă dà lơgar, ai bơta niam nùs mờ hờm ram làng bol dê lơh bơta đo was dờng ngan rlau jơh.