Jăt jơnau yal, kàl prang pa do, Mpồl K52 càr Gia Lai neh tơrgùm geh 18 ƀồc ntìng cau ling chơt màng tàm lơgar Campuchia mờ 27 ƀồc ntìng tàm càr do. Lơh jăt “Broă lơh dờng 500 ngai mang”, càr Gia Lai neh tơrgùm jơnau yal tơngit geh mờr 42 rơbô bơtô ƀồc mờ ai geh 2 rơbô 705 mẫu ADN.

Jơnau đơs pơn dut pơrjum, mò Nguyễn Thị Thanh Lịch, Phó Chủ tịch Anih duh broă Làng bol càr sồr tơnkah broă jòi rồ mờ đal git măt cau ling chơ̆t màng là dùl kơnòl broă chính trị ngoh rơngăc ngan, den tàng pal geh broă tus bal pràn mờ nùs nhơm geh kơnòl uă ngan. Mò sồr ală mpồl lơh broă, ală tiah mhar sền wơl jơnau tơngit, tàm hơ̆ uă ngan là ală bơto ƀồc tơ̆p bal tàm ală tiah tờm bè Đăk Pơ, Đồi Xuân Sơn, Chư Prông, mờ yal broă lơh pah poh tus anih lơh broă sùm in. Tàm broă ai mẫu ADN, sồr ală mpồl lơh broă lơh sùm geh bal ngai ơm rơlô; mờ jào Mpồl đơng lam Ling klàng càr nàng geh ai gùng dà broă pơn diang mẫu ntìng ƀồc mhar rơlao, lơngăp lơngai rơlao.