Càr Dăk Lăk jàu pà khà jờng “Mè Việt Nam khin cha jak chài” mờ jàu 67 Gai Lòng Lơh broă
Thứ ba, 10:20, 28/07/2026
Cau mblàng: K’Duẩn/VOV Tây Nguyên
Cau mblàng: K’Duẩn/VOV Tây Nguyên
VOV.K’Ho- Ngai òr (27/07), bal mờ gùt lơgar tơngkah kir sơnrai 79 nam Ngai Cau ling sồt să - Cau chơt màng (27/7), Tỉnh ủy, Mpồl duh broă Làng bol, Anih duh broă Làng bol, Anih duh broă Mặt trận dà lơgar Việt Nam càr Dăk Lăk yŭ rơyùm bơyai lơh Dơ̆ jàu pà khà jờng pơn yờ să Dà lơgar “Mè Việt Nam khin cha jak chài” mờ jàu pà ală broă lơh jờng rơ, pà phan ƀàn dờng màng bơh Chủ tịch lơgar dê.
Mờ nùs nhơm kah ưn ngài uă ngan, càr Dăk Lăk ki ngàm jàu pà khà jờng pơn yờ să Dà lơgar “Mè Việt Nam khin cha jak chài” ai 7 nă mè Việt Nam khin cha jak chài in. Bulah ală Mè ờ gam kis tai nàng geh dờp tơn khà jờng kuơmàng ngai do, mơya dà kơl hề mờ bơta phi să ală mè dê rơp sùm geh Đảng, Dà lơgar, làng bol cih kah, kis sùm bal mờ ƀòn lơgar tờm, dà lơgar.
Tàm dơ̆ bơyai lơh, càr Dăk Lăk jàu pà Gai lòng Lơh broă khà Dùl, khà Bàr mờ khà Pe gơ wèt mờ 67 nă cau nă să is. Do là phan ƀàn kuơmàng ngan, là bơta cih dờp bơh Đảng, Dà lơgar dê gơ wèt mờ tŭ tơngai kơ̆ dơn, jơh nùs, geh kơnòl mờ ală tă pơgồp bơh ală cau nă să is geh bơta tă pơgồp jak ngan tàm broă lơh bơt bơtàu Dà lơgar, ƀòn tờm.
Viết bình luận