Tus ƀlàng rơndeh par ală lơgar Nội Bài wă mpồl geh mò Nguyễn Thị Thanh, Phó Chủ tịch Quốc hội; ồng Vũ Hải Hà, Phó Kong kơnòl Duh broă sùm Anih duh broă Ling klàng, Lơngăp lơngai mờ Lơh broă mờ lơgar ndai. Dơ̆ lòt còp Việt Nam dơ̆ do bơh Chủ tịch Quốc hội lơgar Bơtau Campuchia dê pờ gơs pang pa tàm kah yau git gơp 2 gah đah 2 Quốc hội, bal mờ gơp wèt tus jơnau kờñ ai làng bol lơh tờm, ring bal ală broă lơh lơh broă bal đah 2 gah.

Tàm tơngume dơ̆ lòt còp dơ̆ do, mò Samdech Khuon Sudary, Chủ tịch Quốc hội Campuchia pơrjum bơyai mờ ồng Trần Thanh Mẫn, Chủ tịch Quốc hội, tìp mat kâp dờng mờ đơng lam tờm ngan lơgar Việt Nam, còp bàr pe Tập đoàn, anih lơh sơnơm Việt Nam dê. Bơdìh hơ̆ tai, ală anih lơh broă mìng dùl kơnòl Quốc hội 2 lơgar dê geh ală dơ̆ cribơyai nàng kờñ chồl tơnguh lơh broă bal tàm tơngai tus.