Tơnơ̆ mờ tŭ iăt jơnau yal mờ ală jơnau đơs pơgồp bal, ồng Tô Lâm, Tổng Bí thư, Chủ tịch lơgar dờp mờ jờng rơ Đảng ủy, đơng lam Lùp sền Chính phủ mờ gùt gah Lùp sền neh lơh ngan bơsong kal ke, rơcang lài lơh rơndăp broă lơh tơrlòng pa, lơh gơs khà broă lơh dờng ngan mờ geh uă cồng nha niam.

Ồng Tô Lâm, Tổng Bí thư, Chủ tịch lơgar sồr tàm tơngai tus, tam gơl pa broă lùp sền pal ai tàm bơta tơrgùm bal pa gùng dà broă đơng lam bơh Đảng; lơh gơs Dà lơgar geh gơnăp gơnoar adăt boh lam xã hội chủ nghĩa; rơndăp tăp sèng mpồl lơh broă, lơh broă gơnoar atbồ ƀòn lơgar 2 kấp; tam pà kấp, tam pà gơnăp gơnoar mờ tơnguh uă broă atbồ broă lơh dà lơgar. Bơyai lơh broă bơh gah do pal tơrgùm bal, ring bal, lơh geh sùm, lơh jăt tàm ƀòn lơgar; sền gròi gơnoar pràn, gàr nền nòn gùng dà broă lơh, sền gàr làng bol, drơng broă bơtàu tơnguh in.