Tus tŭ do, càr Dăk Lăk neh tam pà rlau 9 rbô 600 tơmàn đong priă bơcri dà lơgar, tơng gơs 5 jơnum lơh broă ai ù lơh rơndap broă ai 51 rơndap broă lơh kuơmàng in mờ lam lơh broă lơh dờng lơh mhar tơngai hơ pơrgon lam lơh 20 rơndap broă lơh.

Anih duh broă Làng bol càr Dăk Lăk tơlik jơnau kờñ 6 nhai lồi nam lơh geh kờp jơh priă bơcri lam lơh rlau 53 rbô 200 tơmàn đong, gơguh 70% pơndrờm dùl tŭ bal mờ nam lài. Tàm dar pơrjum, ală cau ala mat mblàng lơh loh bơta kal ke tàm ai priă bơcri, gơ hòi gơ jà bơcri priă, mờ kung ring bal tam gơl gơ gơs đơng lam broă geh cồng nha, pơgồp bal mờ kơnòl cau lam bồ dê. Đơs pơn dut pơrjum, ồng Lương Nguyễn Minh Triết - Ƀí thư Tỉnh ủy càr Dăk Lăk sồr lam lơh mùl màl kơnòl broă quý 3 mờ quý 4, ai lài priă jền ală rơndap broă lơh tă pơgồp gơguh lơh sa in; jờng rơ mpồl lơh niam mờ lơh glài kràñ cau lam bồ ală tiah lơyài, pleh kơnòl.