Gờm chờ mò Khuon Sudary, ồng Tô Lâm, Tổng Ƀí thư, Chủ tịch lơgar đơs nền, Việt Nam sùm sền dờng màng mờ lời ai lài ngan ai bơta git gơp “lơgar rềp bal niam bơnĕ, lơh bơyô ờs mờng, lơh broă bal tơl làm, kơ̆ kơljap jŏ jòng sùm” mờ lơgar Campuchia. Bàr gah đơs sùm jơnau gơtha kuơmàng bơh bơta git gơp đah 3 lơgar Việt Nam - Campuchia - Lào tàm bơta pa; pơn rơ ngan là bơta pin dờn chính trị, lơh broă bal jơh nùs bè ling klàng - sền gàr lơngap lơngai, tàm tơrbŏ bal lơh sa mờ tìp mat lơh kwèng làng bol.

Bàr nă kwang đơng lam bồ đơs niam gơnoar broă pơlam gùng kuơmàng Đảng dê tàm jơh ală bơta git gơp 2 gah mờ 3 gah, sồr ală ƀộ, gah broă lơh dà lơgar lơh jat ngan ngồn ală jơnau ring bal lơh geh. Bal mờ hơ̆, 2 gah kung ring bal pơn jat tai lơh geh cồng nha ală gùng dà lơh broă bal kuơmàng, ngan là ală dơ̆ tìp mat đah pe Thủ tướng, pe Chủ tịc Quốc hội, pe Ƀộ trưởng Ƀộ Ling klàng, Kwang àng mờ Cribơyai broă mờ lơgar ndai.