Ồng Lê Minh Hưng, Thủ tướng Chính phủ jơh nùs ưn ngài ală tă pơgồp bơh ồng Schmittmann dê tàm broă gàr sùm lơh broă mờ lơgar ndai gùng dà broă lơh mờ tơngguh tai pràn jak lơh broă bơto bơtê ai Việt Nam in tàm tơngai do, mơkung gờm chờ ồng Jamaludin geh pin dờn pồ ăt gơnoar broă tàm Việt Nam mờ Lào.

Ồng Lê Minh Hưng, Thủ tướng đơs sùm, IMF là cau lơh broă bal pơlam gùng dà broă lơh kwơmàng mờ là bơyô lòt bal pin dờn ngan. Chính phủ Việt Nam sùm sền ală jơnau yal, jơnau sồr bơh IMF dê là ală jơnau yal pal iăt kơno kwơmàng tàm rơndăp nền gùng dà đơng lam lơh jăt. Thủ tướng kơ̆p kờñ tàm tơngai lơh broă pa, Cơldŭ lơh broă IMF pơn jăt tai lơh mpồl cau lơh kòn gùng niam ngan, chồl pràn lơh broă bal ngan ngồn, gàr sùm lơh broă mờ lơgar ndai gùng dà broă lơh sùm, tă pơgồp geh cồng nha tàm jơnau kờñ gơguh tai mhar mờ kơnhăp jŏ bơh Việt Nam dê.