Jăt ồng Lê Văn Tuấn, làng bol kis tàm thôn Bình Minh yal, nam 2013, tàm tŭ tờ bơnàng lơh mpồng hìu, hìu nhă ồng gŏ dùl kơl dung klơm geh ntìng bal mờ uă bơta phan lời wơl. Ồng bal mờ làng bol cèng ƀồc ntìng lòt tơ̆p tàm ƀlàng tơ̆p ƀồc Nông trường Cư̆ Kbô.

Tàm 13 nam do, hìu nhă ồng sùm jì ñhơ̆t, sền gàr bơto ƀồc. Nhai 8 nam 2026, tơnơ̆ mờ tŭ geh mblàng yal bè “Broă lơh dờng 500 ngai mang”, ồng Tuấn neh yal nàng mpồl lơh broă geh gơnoar in. Mpồl K51 tơnơ̆ mờ hơ̆ neh lòt rồ ƀồc ntìng gam bè ờs, bal mờ uă phan lời wơl bè plai ào cau ling, jĕp cao su, rơsi, biài ju, che ju mờ ào mìu cau ling. Mpồl lơh broă geh gơnoar neh ai sề nàng đal git ADN. ƀồc ntìng do gam geh prăp gàr, kơ̆p nàng tơ̆p.