Ƀòn miến Chi Lăng tàm sơnah ƀòn Khánh Xuân, ƀòn dờng Buôn Ma Thuột, càr Dăk Lăk “àng ồs” ngai kung bè mang nàng “lơh ngan” jăt pang sră blơi phan Satềp.

Ồng Hà Văn Thích, dùl tàm ală hìu nhă geh rơlao 20 nam kis mờ broă lơh miến ờs mờng pà git: Nam do, ală pang sră blơi phan Satềp gơguh di pơgăp 40% pơn drờm mờ ngai bè ờs mờ gơguh 10% pơn ndrờm mờ nam lài. Nàng di pal mờ jơnau kờñ bơh cau ngui sa dê, hìu lơh phan bơh ồng dê pal tơnguh cau lơh broă, tơnguh dơ̆ lơh broă tàm trồ mang nàng di tŭ jào phan lài mờ Satềp nam pa in. Mờ Kông ty pơgồp priă bal Ban Mê Green Farm, do là dùl mpồl lơh sa kă bro mìng tam mờ tăc plai blơn sŭt tàm càr Dăk Lăk kung gam tơnguh broă tơnhào nàng drơng tàm broă Satềp in. Bal mờ broă ai plai blơn sŭt ris, kông ty gam yal ală bơta phan geh lơh bè: dà plai blơn sŭt tàm khàr mờ plai blơn sŭt pơr, dà màn blơn sŭt, zấm geh lơh bơh plai blơn sŭt gơdờp ngan nàng lơh phan pà tàm Satềp.