Do là dơ̆ bơtơl tai dơ̆ 2, tơnguh kờp jơh broă jàu tơnguh tai gùt càr gơguh rlau 3 rơbô 300 nă kơnòm bơsram. Cau tus bal sac rơwah là ală kơnòm bơsram ờ hềt gơ kờn tàm dơ̆ sac rơwah ngan ngồn, halà neh gơ kờn mơya ờ hềt dờp mut bơsram.

Tơngai dan cih mat bơta kơ̆p kờñ tàm internet geh bơyai lơh bơh ngai 12 nhai 7 tus 5 jiơ mho ngai 14/7/2026, tơl nă cau tus bal sac rơwah geh dan cih mat uă ngan rlau jơh 2 bơta kơ̆p kờñ di mờ ù tiah jat jơnau sồr dê. Jat broă rơndăp lơh, mat cau gơ kờn dơ̆ 1 mờ dơ̆ 2 rơ̆p dơ̆ dùl dơ̆ geh yal tàm ngai 15 mờ 17 nhai 7. Tơnơ̆ tŭ kơnòm bơsram lơh sir sră pơ àr mut bơsram, gah bơto bơtê càr Dăk Lăk rơ̆p yal điềm tơl ngan ngồn nàng lơh sir broă lơh sac rơwah kơnòm bơsram.