Mpồl ală hìu măi đèng càl geh sơn đờm lam lơh geh Hìu măi đèng càl Buôn Hồ 1 mờ Buôn Hồ 2 mờ kờp jơh bơta pràn 40 MW, bal mờ Hìu măi đèng càl Cư M’gar 2 geh bơta pràn 10 MW. Kờp jơh jơnau kờñ ngui ù mờr 10 lồ mờ nggùl, gơ wèt ù tiah ală sàh Ea Tul, Pơng Drang mờ ală sơnah ƀòn Buôn Hồ, Cư Bao. Rơndap broă lơh bơh dùl Kông ty gơ wèt Tập đoàn ồs đèng lơgar Tây lơh cau tờm bơcri priă. Kờp dŭ lài ală hìu măi rơp lơh gơs mờ ai lơh broă, pờ tơlik đèng tàm lồi nam 2028.

Tàm dơ̆ sơn đờm lam lơh, đơng lam Anih duh broă Làng bol càr Dăk Lăk đơs nền, càr sùm jờng rơ mờ gờm chờ wă rò ală cau bơcri priă, is ồn là tàm gah năng lượng lơh geh wơl. Do là gah mờ càr Dăk Lăk geh bơta pràn dờng ngan mờ rlau 14 rbô MW neh geh Thủ tướng Chính phủ kĭ ring bal tàm Rơndap ù tiah ồs đèng VIII.