GRDP 6 nhai bồ nam càr Dăk Lăk dê geh 7,84%. Tàm 12 broă jàu tờm ngan, mìng rơp pa geh 5 broă jàu lơh geh broă rơndap lơh. Bơta gơ kòl tus gơguh lơh sa tŭ do càr Dăk Lăk dê tơrgùm uă ngan tàm gah bơt bơtàu mờ broă drơng ala.

Tus ngai 10/7, gùt càr mìng rơp pa ai rlau 2 rbô 900 tơmàn đong, lơh geh mờr 30% broă rơndap lơh priă bơcri geh jàu. Nàng lơh geh jơnau kờñ gơguh lơh sa rlau 10%, 6 nhai lồi nam, GRDP càr Dăk Lăk dê pal gơguh mhar, tàm hơ̆ tiah lơh sa mờ măi mok - bơt bơtàu pal gơs là bơta gơn kơnờm tờm. Ồng Đỗ Hữu Huy, Chủ tịch Anih duh broă Làng bol càr Dăk Lăk sồr tơl gah broă, tơl tiah pal sền nền wơl jơnau kờp dŭ gơguh lơh sa, tơrgùm bơsong jơh ală bơta gơ kòl, cih mat broă jàu lam lơh jat tơl quý nàng lơh bơnàng jă sền swì cồng nha lơh geh khà khà sơñio KPI.