Jat jơnau lơh nền, mò Cao Thị Hoà An, Chủ tịch Mpồl duh broă Làng bol càr at gơnoar broă Cau lam bồ Mpồl sồr lơh. Mpồl sồr lơh geh kơnòl tă pơgồp jơnau đơs mờ Mpồl Lơh kơnòl broă sùm Tỉnh ủy càr, Mpồl duh broă Đảng ƀộ càr đơng lam, sồr lam lơh geh cồng nha Broă lơh dờng 500 ngai mang jat jơnau sồr bơh Mpồl sồr lơh dà lơgar mờ Mpồl sồr lơh Ling tiah 5 dê bè lòt jòi, rờ tơrgùm mờ đal git mat ƀồc ntìng cau ling chơt màng.

Gah đơng lam ling klàng càr Dăk Lăk geh jàu là anih lơh broă duh broă sùm bơh Mpồl sồr lơh dê, pơgồp bal mờ Sờh broă dơlam is gàr niam ală bơta pal geh lơh broă, tơrgùm bơta geh ngan mờ tă pơgồp jơnau đơs lam lơh ală kơnòl broă geh jàu. Ồng Lương Nguyễn Minh Triết, Bí thư Tỉnh uỷ càr Dăk Lăk pà git, lam lơh “Broă lơh dờng 500 ngai mang lơh pràn lòt jòi, rờ tơrgùm mờ đal git mat ƀồc ntìng cau ling chơt màng” là kơnòl broă jal mhar ngan, kờñ pal lam lơh kràñ cê, jơh nùs mờ tơrgùm sồr lơh nàng lơh geh cồng nha niam rlau.