Càr Dăk Lăk tơnguh pràn jak atbồ anih yal tơnggit jơnau gah bơto bơsram
Thứ sáu, 06:00, 05/06/2026
Cau mblàng: K’Duẩn/ VOV Tây Nguyên
Cau mblàng: K’Duẩn/ VOV Tây Nguyên
VOV.K’Ho - Tàm 2 ngai, 03 mờ 04/6, Sờh Bơto bơtê mờ Bơsram càr Dăk Lăk lam lơh bơto pơlam tơnguh pràn jak ai kwang bàng kâp sàh, sơnah ƀòn; kwang bàng atbồ mờ pơgru drơng kơnòl anih yal tơnggit jơnau gah bơto bơsram kâp 2 in.
Ală cau bơsram geh pơlam yal, ngui mờ atbồ yal tơnggit jơnau tàm măi mok yal tơnggit jơnau gah bơto bơsram dê; ngui ală măi mok sồ drơng broă lơh atbồ, đơng lam, mờ kung cribơyai, tă bơsong ală bơta kal ke gơlik geh tàm tŭ lam lơh tàm kâp hơ đơm. Broă lơh geh lơh tàm tŭ tơngai gah bơto bơsram càr lơh pràn broă tam gơl sồ jat ală jơnau lơh nền bè bơtàu tơnguh jak chài, măi mok, tam gơl pa bơceh lơh mờ tam gơl pràn bơto bơsram.
Jat đơng lam Sờh Bơto bơtê mờ Bơsram càr Dăk Lăk, gah do gam rơhời lơh sir anih yal tơnggit jơnau, lơh pràn tam gơl sồ sră nggal, sră pơ àr bơsram, rơ wah kơnòm bơsram mờ ală broă lơh atbồ; mờ kung lơh broă bal mờ ală mpồl lơh sa kă bro măi mok nàng kờñ lam lơh tam gơl sồ tơl làm tơngai bơh nam 2026 tus nam 2030.
Viết bình luận