Mho ngai 30/6, tàm dar cribơyai Dơ̆ pơrjum dơ̆ 2 Mpồl duh broă Làng bol càr Dăk Lăk khoă X, uă cau ala mat sồr mhar tă bơsong bơta gơ kòl bè bơcri priă dà lơgar, ù tiah, sră pơ àr gơnoar atbồ mờ tam gơl niam anih bơcri priă nàng lơh geh jơnau kờñ gơguh GRDP rlau 10% tàm nam 2026 do. 

Ală cau ala mat đơs là, bơh khà gơguh 7,84% tŭ do, Anih duh broă Làng bol càr kờñ pal gờñ bơt bơtàu jơnau rơcang lài kờp dŭ gơguh tai mùl màl, git loh ală rơndap broă lơh cèng bơta gơn kơnờm, priă bơcri geh ai mờ broă lơh tam gơl pràn. Tơnơ̆ tŭ yal Rơndap ù tiah càr mờ bơyai lơh geh cồng nha Pơrjum hòi jà bơcri priă mờ 25 rơndap broă lơh geh lơh sră cơng tàng, kờp jơh priă bơcri rlau 40 rbô 200 tơmàn đong, càr Dăk Lăk gam geh uă tŭ niam bơtàu tơnguh. Bulah bè hơ̆, ală cau ala mat đơs sùm, ală tŭ niam do mìng gơtùi gơ gơs là bơta gơn kơnờm gơguh lơh sa tŭ ală bơta gơ kòl bè bơcri priă, rơndap ù tiah, ù tiah mờ gùng dà lam lơh ngan ngồn geh tă bơsong di tŭ.