Tàm pơrjum, Mpồl Lơh kơnòl broă sùm Tỉñ ủy neh jào 11 jơnau lơh nè bè broă tam pà, ntrờn mờ pồ kwang bàng. Pơnrơ ngan, ồng Trần Xuân Túc guh at gơnoar broă Phó Chủ nhiệm Anih duh broă Lùp sền Tỉnh ủy; ồng Trần Văn Tân gut at gơnoar broă Bí thư Đảng ủy sơnah ƀòn Phú Yên; ồng Ya Toan Êñuôl guh at gơnoar broă Kwang lam bồ Mpồl Mblàng yal Bơto bơtê mờ Hòi jà làng bol Tỉñ ủy.

Mờ Duh broă sùm Mpồl duh broă Làng bol càr pồ ồng Hoàng Trọng Hùng mờ ồng Lê Phúc Long guh at gơnoar broă Phó Kwang Lam bồ Cơl dŭ lơh broă Mpồl Cau ala măt Quốc hội mờ Mpồl duh broă Làng bol càr dê. Di tàm dơ̆ do, Chủ tịch Anih duh broă Làng bol càr kung jào jơnau lơh nền ntrờn, pồ 5 nă kwang bàng atbồ tàm ală sờh, gah lơh broă mờ mpồl lơh sa kă bro, tàm hơ̆ geh ồng Y Hương Niê guh at gơnoar broă Phó Kwang Lam bồ Sờh Jăk chài mờ Măi Mok, ồng Nguyễn Hoàng Phúc guh at gơnoar broă Phó Kwang Lam bồ Mpồl Atbồ Tiah lơh sa Phú Yên.